ذاب الصدق بقلوب الرجال

ليش ذاب الصدق بقلوب الرجال ؟!


ليش انا قبل الزواج كنت اناديها " الغلا "
وكنت اناديها " الغرام "
و " بعد أُمي وابوي "
و " ضحكتي ... وابتساماتي ... وبلسم جرحي المفتوح وجروحي "


وعقب ما ربي جمعنا ...~
واجتمعنا
وصرنا أُسرة
وصرت انا واياها جميع
نصحى وننام
ونشرب بكاس الغرام
ويوم اناديها تجيني ما تأخر
وتقول " ســم ...! "
و " لبي قلبك يا بعد قلبي انا "




صرت اناديها عقب ذاك الغلا
" هيه... وينك يامره ...؟!"





ليش انا قبل الزواج كنت اكلمها
واسولف
واقضى ساعات وزمان
واحتريها
وحتى لو تأخرت ... او اخلفت ميعادها
ما ازعل عليها


لاآآآآ


ولا حتى اعاتبها شوي
وكنت اشوف عيوبها بعيني جمال
ونقصها بعيوني هو معنى الكمال




ويوم صرنا مع بعضنا
لو حكت لي كلمتين
او سولفت ... او مازحتني وضحكت
قلت : كافي ... بس ... ما ابي قلة ادب
" واعتقد يكفي كلام وبربرة ...!! "




يااااااااااااااااااااااهـ !!
بعد ماكان الحكي بشفاهها ينقط عسل
صار بتاليها حكي...؟!
لآآآ
وليته حكي ...
صار اسمه " بربرة ... أو ثرثرة ...!! "





ليش اراضيها منوّل يوم تزعل
وما آتحمل بس لو لحظة زعل
وكنت ادللها
واموت بضحكها
واقول " آسف يا غلاي "
واكتب [ اجمل بيت شعر ] لعينها لين ترضى


وعقب ما ربي جمعنا


من تزاعلني اقول لها
" في بليس ... طقي راسك بالجدار أنتي حي الله بقرة ...!! "


وربي احنا صدق [[ مرضى عشق ]]
واشواق
ومشاعر
وعشقنا من دحدرة في دحدرة
ماعرفنا وش معنى البنت ~
ولا عرفنا قدرها
ولا وفاها بصدرها
وما حكينا عن غلاها
ولا صفاها
ولا هواها
ولا دفاها


بس نتكلم على
ثرثرتها
وبربرتها
وحكيها السامج


ما نخاف الله يعاقبنا وهي
عطر دنيانا وهوانا ~
بدونها تظلم سمانا ... بدرنا في خدها ~
وصبحنا في قدها ~
وشمسنا بكفوفها ~
وربي وردة ... يا سعد من شمها ~
وغيمةٍ تمطر حنان ... والحلا في دمها ~
وشكل بسمتها جنان ... والكرز في فمها ~
وبن عمتها المطر ... وغيمة الشوق أُمها ~
و ولد خالتها الربيع ... والزهر هو عمها ~
وخصرها دنيا لحاله ... حظ صدرٍ ضمها ~
وريقها نكهة عسل ... والعطر في كمها ~




وشهي الدنيا اذا مابه بنات ...؟!





صحراء مافيها ربيع !
وعيون كاسيها الوجل !
و وجيه ما فيها امان !
وطفل يبكي !
وشيخ يشكي !
ودنيا مافيها رفيق !
وصحبة ما فيها وفاء !
وقلوب ما فيها حنان !
وما احدٍ يرحم احد !


برحمتك يارب ... " خل لنا البنات "
بضحكهم
وهبالهم
وخبالهم
ودموعهم
وشموعهم
ويا حلو تدليعهم
ويا حلو تدليلهم


منقول......

اتمنى يعجبكم
دكــتــــــــــــــــــــــتور القلوب

يعطيك العافيه اخووووووووووووووووي على المووووضوع الرائع
والاكثر من رائع
أنتظر جديدك
تقبل مروري

الفارس الغرربي
مطفي الشمعة بالدمعة
منار

سعادتي لا توصف بمروركم وكلامكم وتشجيعكم وتقبلو مني ارق واحلى الامنيات بالتوفيق ويارب اكون عند حسن ظن الجميع .......( لما يعجز اللسان عن التعبير تسبق ابتسامة الفرح جمييييع المشاعر )


محبكم دكـتــــــــــــــــــــــــور القلوب

يعطيك العافيه دكتور القلوب
موضوع في قمة الروعه سلمت يداك .. ننتظر منكـ المزييد
لك مني اجمل التحيه
دائما مميز في مواضيعك

يسلموووو بو تميم حبيبي ودائما تضيف بزيارتك نور للصفحة

مع اجمل وارق واطلق تحياااتي


دكتـــــــــــــــــور القلوب

الله يسلمك من كل شر جنى والله اسعدتيني بزيارتك ومرورك الغالي.. الله لا يحرمنا منها ... ....

مع احلى تحياتي



دكتـــــــــــــتور القلوب

يعطيك الف الف عافية خالد ويسعد صباحك ويسلموووو على المرور



اخوك دكتـــــــــــــور القلوب