لآآتنحرج مآآجيت أسسب لكك احرآآج..

لا تنحـرج ماجيـت اسبـب لـك احــراج
قلبـي عـقـب فـرقـاك زاد انحـراجـه

انت الوحيـد اللـي لـه القلـب محتـاج
وغيرك تـرى مالـي بهالنـاس حاجـه

ان ضقت ضـاق اليـم بعيـون الامـواج
واليا ابتسمت..الكون يضحك حجاجه

دنـيـا بـدونـك كـلـهـا هـــم وازعـــاج
فيهـا ظـلام العمـر يطفـي سـراجـه

لاجيـت يمـي صـار للضيـق مـخـراج
ويـعـود للـقـلـب الـحـزيـن ابتـهـاجـه

ولاغبت ضيقة خاطـري مالهـا أفـراج
بيـديـك صــارت ضيـقـتـه وانـفـراجـه

لك في صميم الذات مسرى ومعراج
ولك مملكة فكـري وعرشـه وتاجـه

ان كـان لجـروح الـغـلا طــب وعــلاج
انتـه طبـيـب الـجـرح وانـتـه عـلاجـه