السلام عليكم ورحمة الله وبركاته
مسيكم/صبكم الله بـ الخير
وارجو ان تنال على اعجابكم واعجاب من طلب مني هذه القصيده وان شاء انها تكون وافيه
يامنتدى جمعت ربعي وخلان
يامنتدى لاهنت شاكر وممنون
ودي بنظم ابيات واوزان والحان
ماجيت ادور حب وافلام كرتون
ساعة صدفته كنني كاتب اعلان
ابي احب وطالب الحب بجنون
الاسم (نوره)كامله دون نقصان
من قوم ناسـ(ن) بـ القى مايهابون
والعمر فـ العشرين ماني بغلطان
هذا كلامه دون شكـ(ن) ولا نون
اخذت معها بالحكي والخفي بان
قالت رجآء(ن) وقف الهرج لي هون
خطـ(ن) حمر مايدخله كل من كان
الا تجيب علومك اللي يقولون
قلت السبب قالت خيانه ونكران
مابيك تطلع خالي الطعم والون
انا عشقت وخانني قبلك فلان
من سبته صكيت حتى التلفون
الي يحب وشاري الحب تنخان
واللي شريته دايم يجيك بالهون
قلت اسمعي يا نور ليلي والاعيان
اقري كلام موثقـ(ن) قبل مظمون
كثر الحكي يدل في جهل الانسان
وقل الحكي يدل بالعقل موزون
حكي العرب ماقد ملى بطن جيعان
ولا نفع ناسـ(ن) عليه يعزون
انا شريتك واترك فلان لفلان
اترك بوسط قلوبهم جمر قليون
ولا يهمك من هرجلك علشان
وده يفرق بيننا او يهدمون
ختامها صلو عدد هل المزان
كثر الحصى واللي لمكه يحجون
على نبيـ(ن) خصه الله سبحان
اطهر عباد الارض واللي يصلون
وســــــــــلأمــــــتـــــكـــــــم
موضوع: ودي بنظم ابيات واوزان والحان ...ماجيت ادور حب وافلام كرتون 
الخميس أبريل 08, 2010 6:57 pm
