حكمة وغزل

يا هاجس بحور الشعر مشتاق لك بالله تعـال
تعال ريحنـي قبـل روحـي يجـي طلابهـا

شاعر ولاحب الهزل واتعب على سوق الجزال
وافرح ليا شفت القصيـدة ضافيـن جلبابهـا

بيني وبين المرجله والطيب والنخـوة وصـال
مابه صفه مما ذكـرت الا واسـوق ركابهـا

اكسب من الواقع قيم والا الخيال الـه الخيـال
واللقمه اللي بالحلال انعـم بهـا واهنـا بهـا

وكسبت من وقتي درر يومن ليل العرف طال
والكلمه اللي ماتجـي بالخيـر لـي مبدابهـا

لو كل من يطلب محال يفوز في نيل المحـال
كان البشر مهما خـذت ماتكتفـي بأعجابهـا

لاشك ذكر المستحيل يصير صعبن مـا ينـال
والدانه اللي فالبحر ما كـل غيصـن جابهـا

وانا من الواقع عرفت اسرار واجواب السؤال
من موجتن راحت سدى تالي عرفت اسبابهـا

ليه اشغلك ياهاجسي واخذ واعرض بالطـوال
الناس تسلك خطهـا مالـي ومـال اعتابهـا

ماكل شي نعرفـه فـي هالزمـن لازم يقـال
بعض الحقايق تنكره لامـن قريـت اكتابهـا

سلام ياهاك الغلا يـام الحسـن يـام الـدلال
ياللي معاليق الحشا دايـم تحسـب احسابهـا

لك بين ريضان الحشا منزل قديمـن لايـزال
اسقيه من دمي وفـا حتـى تسيـل اشعابهـا

قربك دواء قلب الشقي دامه شقى في هالمجال
وبعدك يعاكس راحتي والنـار مـن شبابهـا

مابين ذا والا كـذا ماعـاد اطيـق الاحتمـال
تعالي اسقينـي هنـا نفسـي تخـف اتعابهـا

مليت من شمـس التعـب ابتمتـع بالظـلال
حطيلي بعينك سكن واظفـي علـي اهدابهـا

شاعرك ياريم الفلا من ماكر زحول الرجـال
وينظـر بعينـه للرجـال يهيبهـا ويهابـهـا

ياسافكه دمـي كفـى مابـه مجـالا للجـدال
بعطيك كلمه وافرقي حبل الثرى مـن دابهـا

تموت لحظات الحزن لوهي على قـم الجبـال
والبسمه اللي من فرح تبقـى مشـرع بابهـا


وســــلامــــتــــكـــم
تحياتي اخوكم طلال العازمي (تـــــدلـــل

صح لسانج ومشكوره على المرور وانتي الاروع على ردوودج على مواضيعي تحياتي لج

لو كل من يطلب محال يفوز في نيل المحـال
كان البشر مهما خـذت ماتكتفـي بأعجابهـا

يعطيك العافيه تدلل وصح لسانك وتقبل مروري وشكرا