أي المواقف التالية أكثر إحراجاُ برأيك؟

السلام عليكم ورحمة الله وبركاته

حياكم الله...

كل واحد منا تمر به مواقف محرجة في حياته وأكيد فيه مواقف أكثر إحراج من غيرها

وحاولت أجمع لكم بعض المواقف الي مرت علي أو مرت لأحد أعرفه وودي آخذ رايكم

في أي هذه المواقف أكثر إحراج من غيرها؟

وياليت الي عنده مواقف محرجة مرت عليه أو مرت لأحد يعرفه يذكرها...

نبدأ بالمواقف:

1- أن تكون ماشي وواثق من نفسك وتقع فجأة

2- أن تكون مندمج بالكلام ومتحمس مره وتتفاجئ إن الي تكلمه نايم

3- إن تعمل نفسك فاهم ويجيك موقف ويبين إن ماعندك سالفة

4- إنك تقول نكته وتضحك وتتفاجئ إن ماأحد ضحك.

5- أن تكون قدام المراية تضحك ويمر أحد ويشوفك

6- إنك تتحمس وترد على واحد وتتفاجئ انه يبي يكلم غيرك

7- أن تكون متحمس في ليلة زواجك تسلم على الناس وأكيد يديك بتعرق من كثر السلام

ثم يجيك واحد ماعنده أي إحساس يوم سلم عليك دخل يده في مخباته؟؟؟

أنت تحسبه بيعطيك إعانة لزوجك!!!

وتتفاجئ إنه طلع حب واجد وحطه في يدينك ثم راح وجاك بعده واحد يبي يسلم عليك

8- أن تكوني متحمسة مره ليلة زواجك المكياج والتسريحة كلها تمام؟؟؟

ثم تطلعي للناس وتجلسي في المنصة

ثم يجي طفل فيه ( نص لفة ) ومعه ببسي وهو راجه مره!!!

ثم يفك الببسي عليك وينتشر الببسي في ملابسك وشعرك وأكيييييييييد وجهك

9- أن يجي لبيتكم ضيوف مهمين مره مره وأبوك متحمس لهم مره المهم دخلت بتوزع العصير

وأنت توزع فجأة؟؟

اختل التوازن عندك وطاحت الطوفرية والعصير على أحد الضيوف

هذي بعض المواقف والله بعضها مرت على ناس أعرفهم مره...

أتمنى الموضوع يعجبكم وأتمنى التفاعل منكم حتى نطلع بأكبر قدر من المواقف

ونشوف أكثرها إحراج لنا جميعاُ...

دمتم بحفظ الله...