اطباق جزائرية اتمنى تعجبكم

بسم الله الرحمن الرحيم
السلام عليكم

مساء الخير اخواتي اخواني

جبت لكم بعد الاطباق
و اتمنى ان تعجبكم و تجربوها

شوربة فريك

المقادير
1/ كيلو لحم غنم
2/ بصلة
3/ كوب حميصة(حمص)
4/ 3 ملاعق زيت نباتي
5/ حبة واحدة قرعة او كوسة
6/ 3 حبات طماطم
7/ ملعقة طماطم علب
8/ ربطة حشيش مقطفة(كزبرة طازجة)
9/ ملح/ فلفل اسود/ قرفة/ حبة
فلفل دريس او حار
10/ الفريك او القمح المكسر
الوصفة/
نقطعوا اللحم قطع صغيرة نحطوها في قدر من
فخار و نقطع البصل و القرعة الكوسة مكعبات
صغيرة و الحشيش و الطماطم حبة فقط و ملعقة
المصبرة و الحمص و الزيت و التوابل و حبة الحار نقلوهم فوق نار هادية و الطماطم المتبقية
نقطعوها و نحطوها في كسكاس او صحن فوق القدر مع شوي ماء دافي و بعدين نطحنوها و نحطوها فوق الشوربة. نقولوا مليح المقادير نبدا
نحطوا المائ شوي شوي بعدين نرمي الطماطم الي كانت فوق القدر و ارح تصير تقريبا مطبوخة على بخار الشوربة و لما يصير تقريبا اللحم مطبوخ
نحطوا الفريك الي يكون مغسول و نبقوا نحركوا مليح و نخلوها على نار هادية مدة الطبخ ممكن حتى الساعة نسكبوها في صحن غميق و نرشوا عليها الحشيش مقطفة من فوق و شهية طيبة.

الكبدة المشرملة

1/ كيلو كبدة غنم مقطعة لشرائح
2/ راس ثوم مفروم
3/ملعقة شاي ملح
4/ملعقة شاي كروية
5/ملعقةشاي فلفل حار مرحي العكري
6/ 3 ملاعق زيت نباتي
7/ زيت للقلي
8/ ملعقتين خل ابيض
الوصفة
9/ ماء للسقي نصف كوب
نجيبوا مقلاة و نحطوا فيه الزيت نسخنوها
بعد ذلك نحطوا شرائح الكبدة و نقلوها مليح
نصفوها بعدبن نجيبوا طنجرة نحطوا 3 ملاعق الزيت و نحطوا الكبدة تانية و نحطوا الثوم المفروم
و الملح و الكروية و الفلفل الحار و نخلوهم ينطخوا كثير مليح على نار هادية و نسقوها بالماء انا من عشاق الطبخ بالنار الهادية بعد ذلك نحطوا الخل نخلوها تغلي شوي و نطفوا النار و نسكبوها في صحن و تاكلوها بخبز و صحة و عافية.

السفيرية العاصمية

المقادير

1/ كيلو من لحم الخروف او دجاجة
2/ بصلة
3/ كوب حمص
4/ 3 ملاعق زيت نباتي و ملعقة سمن
5/ ملعقة شاي ملح و فلفل اسود و قرفة
6/ رطل خبز منقوع في حليب و مصفى
7/ شوي ملح فلفل اسود و قرفة للخبز
8/ 3بيضات
9/زيت للقلي
10/ ماء للسقي كوب و نصف
الوصفة
نقطعوا اللحم لقطع متوسطة نضعها في قدر و نحط
عليها الحمص و 4 ملاعق زيت و السمن التوابل و الملح و البصلة المفرومة و نخلوهم يتقلوا مليح فوق نار هادية و بعدين نحطوا شوي ماء و نخلوهم ينطبخوا في صحن نحطوا الخبز المنقوع في الحليب و مصفى مليح في صحن و عليه نضع التوابل و الملح قليل و البيض و نحركوا مليح و نحضروا المقلات و نضع فيها الزيت نسخنوه مليح
بعدن نعمل مثل اقراص صغيرة بواسطة الملعقة و نقلوا السفيرية و نحطوها فوق ورق يمص الزيت
ولما يصير اللحم جاهز نشيل الغطاء و نحط الكوريات من الخبز يعني سفيرية داخل المرق نخلوها شوي بعدين نزين الصحن باللحم و السفيرية و الحمص و شهية طيبة

بوراك يوكل بالشوربة

1/ 12 ورقة ديول او بوراك
2/ لحم مفروم 250 غرام
3/ بصلة و ملعقتين زيت
4/ نصف ملعقة ملح و فلفل اسود
5/ معدنوس يعني بقدونس
6/ صنوبر محمص
7/ زيت للقلي

الوصفة
نجيبوا مقلاة نحطوها فوق النار نحطوا الزيت والبصل المفروم يتقلاو مليح نضيفوا اللحم المفروم ينطبخ و ملح و فلفل اسود و لما ينضج اللحم نطفوا النار و نضيفو مباشرة المعدنوس و الصنوبر المحمص
نجيبوا الاوراق البوراك نحطوا واحدة نضيفوا ملعقة كبيرة من الحشو نلفوها و نكملوا جميع الاوراق البوراك بعدين نقلوهم و نصفوهم مليح من الزيت و نحطوهم في صحن مع تزين بالمعدنوس
و الليمون و ياكل بالشوربة

و صحة و عافية

امممممممممم اطباق لذيذة الياس مشكور

ههههههههههههههههههه الله يخليك لامية اتمتى تكوني استفدتي شكرا على المرور الكريم

السلام عليكم
باين انها اطباق شهيه
لكني لااعرف طعمها
شكرا لك الياس
بوركت

غروب ما عليك غير تتبعي الوصفة وانت تذوقيها تحياتي اليك والله يوفقك
اتمنى تجربيها غروب اكيد ستعجبك

» صور بعض السيارات اتمنى تعجبكم
» اول خاطره لي اتمنى تعجبكم
» صور لبعض الاطباق الجزائرية اتمنى تعجبكم
» صور لبعض الاكلات المغربية اتمنى تعجبكم
» توبيكات...أتمنى تعجبكم