قصيدة تبكي الحجر ((يايمه))

السلام عليكم ورحمة الله و بركاته
قصيدة كتبها شاب كان مسرع وعمل حادث سيارة وكانت معه والدته
ونتيجة لهذا الحادث توفيت والدته نتيجة الاصبات الخطيرة اما هو فكانت اصاباته خفيفه ..
وانكتب له عمر ( سبحان الله ) ...



هالقصيدة للعبرة وتستاهل ان كل واااااااحد منا يعطيها من وقته ويرااااااجع حساباته ..

يواسوني وانا الميت وحالي يجبر الدمعات
تسيل من الذي فيني ويبكي و هو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ماتمشيني

قلت رعايتي بيدي قتلت الحب والرحمات
حرمت النفس من حقها وانا ابكيها و تبيكيني

و كنه حلم قدامي يقيدني من الصرخات
ابي اصحى ولكني عجزت القى الي يصحيني

فداك القلب يايمه ومهما قلت من كلمات
صغيرة في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ماسمعه فيني

تجول عيونهم فيني تفصل مني قياسات
وتشيح وجوهم عني و كني غيرت ديني

يظنوا حزنهم اكبر وهم اصحاب هالماسأة
وانا اتحدى اذا فيهم ربع مايحترق فيني

نقص قدري بعد موتك وغابت نشوة اللذات
وصار الهم عكازي اباكيه ويبكيني

عطيتيني بدون حساب ولا سمعتك تقولين هات
وانا اشرب حيل من دمك ودمك مايكفيني

يايمه ارجعي كافي ابجلس معك او لحظات
و اقبل ايدك ورجلك وافرش لك رمش عيني

يايمه ما تحملهم يقولوا فات ماقد مات
تعالي غيري هالقول واطيعك باقي سنيني

واترك عادة الدخان و انفذ ماتبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولاغيرك على موتك تعزيني

وضميني وداويني مثل ماكانت الهقوات
ماابي احدن يوايسيني ابيك انتي تواسيني

دخيلك بس لا تبكي اذا شفتي بي الدمعات
انا ما اقوى ابكييييييييييك اذا انتي تبكييييييني

مشكوووووووووره ايمان

يعطيك الف عافية بو تميم على ردك الرائع

اشكر مرورك الراااااائع

صح بدنك عيون الذيب
ويعطيك الف عافية
اشكر مرورك الراااااااائع