شله عهدي بها قدام تلبس عبايه

أبيات تحكي أجمل أيام العمر ..أيام الطفوله

أتمنى تكون الأبيات تنال على إعجابكم

خالص تحياتي وتقديري لكم

عهدي بها قدام تلبس عبايه
وانا بعد قبل البس شماغ وعقال

طفلين نتهجى حروف الكتابه
الله يامجمل سواليف الاطفال

كانت لنا في كل شارع حكايه
وكنا نقول علوم ماهيب تنقال

وكنت اتقاسم مامعاها معايه
من عسكريم التوت للعلك أبو ريال

وكانت بعكسي شاطره بالقرايه
تقرأجزء عم وتبارك والانفال

وأنا لك الله من مواري غبايه
مدري ابو نقطه هو الذال أو الدال

وكانت لابويه تشتكي من شقايه
وتعلمه كيف اربط الباب بحبال

ياما على ظهري كسر من عصايه
يقول لي خلك وانا بوك رجال

وامي تقول ادع لولدك بالهدايه
خوفي يصيبه كثرة الضرب بهبال

لاشفتها مع أول الدرب جايه
مدري انا اللي ملت ولا الوطا مال

أحس قلبي يرتجف في حشايه
ماكنه الا الضيف لاهزفنجال

ياما عن السعلي تخبت ورايه
لاخوفوها ثم شافت لها ظلال

تقول خلك يا (........) معايه
واستا نس ألعب عندها دور الأبطال

أغار عليها من عيون اصدقايه
لاتطالعوها قلت تكفون ياعيال

روووعهـ يالغلاا
صح لساااانك ولا عدمناااك ،،

صح لسانك ومشكور يا الغلا تقبل مروري اختكـْ >> دآإأنـــــــــــآإأ

روعـــــــــــــــــــــــــــــــــــــــة يالغلا
صح لسانك ويعطيك العافية

يسلمووو روووووعه

يعطيك العافيه على هل موضوع