انا لغيرك ياقلبي وانتي لغيري

ادري مقصر معاك وفـي محبتنـا
وادري ماتدرين ليه اسباب تقصيري
لو دام حبك ولـو دامـت علاقتنـا
انا لغيرك ياقلبـي وانتـي لغيـري
لازم نقّوي على الفرقـى عزيمتنـا
لو كان بعدك سبب همي وتدميـري
عجزت لا ادبر اظـروف ٍ تحدتنـا
ماقام حظـي ولا فـادت تدابيـري
المجتمع والعوايد غصب حدتنـا !
وإلا انتي اصلاً زيادة خير في خيري
ولو إن قربك خطا يابيـض رايتنـا
يزيد قدرك غلا مـن زود تقديـري
مادنسك كـذب حاسدنـا وشامتنـا
تبقين ورد العفاف ان زان تفسيري
لكن عزانا على الذكـرى وضيقتنـا
هذي حقيقه ولا داعـي لتبريـري
ياغايتـي يـوم تنهينـا نهايتنـا
تعالي اخذي من اوجاعي تعابيـري
انا وشعري وصلنا فـوق طاقتنـا
احزن وحزني يحبونـه جماهيـري
وفيت وانتي وفيتـي ميـر خانتنـا
كـل التفاكيـر واولهـا تفاكيـري
واليوم ندفـن بقايـا حـي ميتنـا
ماعاد تحيـيّ معاذيـرك معاذيـري
بعيش في سكـة الذكـرى بدايتنـا
واسير لحلامنا وانتي بعـد سيـري
تذكرينـي بيـاض ٍ سـاد نيتـنـا
تذكريني ولا يألمـك .... تأثيـري
تذكرينـي وعيشـي فـي محبتنـا
مع السلامه خلص واقـع حكايتنـا
انا لغيرك ياقلبـي وانتـي لغيـري
وصلت لا خر محطه في مسيرتنـا
تطّول مشاويرك او تقصر مشاويري

انا وشعري وصلنا فـوق طاقتنـا
احزن وحزني يحبونـه جماهيـري
وفيت وانتي وفيتـي ميـر خانتنـا
كـل التفاكيـر واولهـا تفاكيـري
واليوم ندفـن بقايـا حـي ميتنـا
ماعاد تحيـيّ معاذيـرك معاذيـري

بارك الله فيك اخي فارس فيما ابدعت اناملك تقبل مني خالص تحياتي والله يوفقك

» اعدك ياقلبي بان اضمد جراحك
» تهنئة للغالية فجر كل عام وانتي بخير
» انتي بحووور الشعر وانتي قوافيه
» هابي بيرثداي تو يو غزولة كل عام وانتي بخير وعساها سنه سعيدة