يالله ياللـي تــرزق الـحـوت والطـيـر = يـاربـنـا الـلــي مـالـنـا رب غــيــره
ابـــرج لـقـلـب عـذبـتـه التـفـاكـيـر = قـامـت هواجـيـس الليـالـي تـديـره
وكتـبـت لمحـمـد بـعــض التـقـاريـر = شيـخ ولاتخـفـى علـيـه السـريـره
البـارحـه ياشـيـخ نـومـي دغـاريــر = والــطــرف عـيـالايـوالــف نـظــيــره
شــي مقابـيـل وشـــي مـصـاديـر = تضـاربـت الافـكـار مــن كــل ديــره
اشـوف فـي الدنيـا بـعـض التغايـيـر = كبرت مشاكلهاعلى اهل الستيـره
خذنـا ثـلاث سنيـن مثـل المخافيـر = كــل يعـايـن وش يـسـوي قـطـيـره
طمعت ظعوف في عقاب المظاهيـر = تهاونـوهـا اهــل القـلـوب الكـبـيـره
يلـيـن صـــارت غـــدة بالحنـاجـيـر = نـــديـــرة يـالـعـنـبـوهـا نـــديــــره
ونشبت على اللي يبادهانة السير = ولا عاد لـه فـي لقمـة العـام خيـره
فلا صـار ماتضفـي عليـه التساتيـر = كـثــر الـصـوايـح مـاتــرد الـمـغـيـره
وحنا لنـا مذهـب مـع الشـر والخيـر = الـشـر طـــب للـوجـيـه الـشـريـره
يبغـى لهـا صملـه ووقفـت مناعيـر = والـلـي يخـالـف شـورنـا مانشـيـره
والوضـع مايحتـاج لــه عــاد تاخـيـر = ومن يمخض المـاء مايجيلـه ثميـره
ومـن غيـر قايـد ماتسـيـر الطوابـيـر = ومـن غيـر رامـي ماتـثـور الذخـيـره
وشـرواك ماتمـلـى علـيـه التعابـيـر = يبـنـي ولاتعـمـي علـيـه البصـيـره
واقـبـل تحيـاتـي ومـنـك المـعـاذيـر = ثـورة فــوادي عـبـره عــن ضمـيـره
موضوع: يالله ياللي ترزق الحوت.. 
الخميس أكتوبر 18, 2012 10:44 pm
