السلام عليكم ورحمة الله وبراكاته
البارحه هاض الضمير وقوافيه @ وتسابقن امهار فكر امعسوفه
يالوف شعري في محبتك بمحيه @ ويالوف قلبن هايمن بك يالوفه
هذا جزا اللي بالغلا قد ملكتيه @ يالغالي اللي كاملاتن وصوفه
تعبت من قلبن تكدر بـــــــراعيه @ وتعبت من نكن افــــــز لوقوفه
راعي شموخ اللي يغني بلاويه @ راعي عيونه بالوصل والمروفه
ما كل منهو نلتقي فيه نغليه @ ساعات نغلي واحدن مانشوفه
قلبن توفى سبة الشوق عزيه @ ومشيك مع جنازته رد شوفه
بيني وبينه شاشتن كيف ناتيه @ وبيني وبينه حاجتن وامخطوفه
خطفت قلبي وابتسم لك واداريه @ ماعدت اداري غايته من ظروفه
عقلي يخونه لكن القلب باغيه @ ونفسي على الاثنين دايم شغوفه
اهـب يانفسن تحب المشاريه @ نفس الهوى تطمع بشي وتعوفه
وجدي مثل من شب ناره وبيديه @ تحميه من جور الزمان او صروفه
في مهمهن موحش ولا شاوين فيه @ يشتاقله من ضاق صدره وجوفه
ليته يحس المنتدى كثر ماجيه @ وياليت يدري بمقصدي يوم اشوفه
الله على نكن شـموخه يباريــه @ اخاف لا يبطي علي او اطـــوفه
بحوف انا في منتدى الشعر تمويه @ مدري يحوف الفكر شين واحوفه
غايه ولي في غايتي كل ما ابيه @ والجرح يبرى لا المستني كفوفه
يالله عسى الشاشه تقرب خطااويه @ ويصير اهو معزب وكلي ضيوفه
وسلامتكم
موضوع: الله على نكن شـموخه يباريــه @ اخاف لا يبطي علي او اطـــوفه 
الأربعاء مارس 24, 2010 2:35 pm
