نسيتــ نفسيـ وما نسيتكـ
العمر : 44
تاريخ التسجيل : 28/10/2009
عدد المساهمات : 1891
 |  موضوع: لو انه شخص واجهته ونسيته حليب أمـه!  الإثنين مارس 29, 2010 11:10 am | |
|
إذا كان الخطا ديرة وفيها المذنبين تراب
بصدري للعذر عالم تحير بشعبه الأمه
وإذا كان الوفا عالم وفيه الأنقياء احباب
انا واحد من العالم يدور للوفا لمه
تصدق يوم ضاقت بي وصك الناب فوق الناب
لقيت الصاحب أول من سقاني كاس من سمه
وانا ماخطيت لكن الخطا جاني بدونأسباب
وترى الغلطات هي اللي خذتني فوق للقمه
ابكتب دون تقييد وقواعد واسئلة وإعراب
أبتمرد على التشكيل بالفتحة وبالضمه
خلص ماعاد باقي بي على سجن الحروف اعصاب
على راسي يا (سيباويه) .. وكل اللي نطق فمه
وربي مانزف حرفي لأجل يكسب عيون أعجاب
ولكن الزمن بعثر طموح جيت ابالمه
قسم بالله من تالي احس بضيقة تنتاب
محاديب الضلوع وكل ماباقي بي تعمه
ذبحني هالشقى (مل .... ابوجده) ياهو غلاب
لو انه شخص واجهته ونسيته (حليب امه)
يضيق الحر في قيده ونفسه تطلب المرقاب
يثور / ويندفع / يصبح فدائي/ صلب ... ماهمه
لأنه يعشق الحوم وفضى الحرية الجذاب
ويكره (ديكتاتورية) قيود زودت غمــّه
أحب الورد وأنفاسه وأهيم بشكله الخلاب
ولكن ماقدرت اخذ من أزهاري ولو شمـــّه
أسكر عن همومي باب... تفتح لي الحياة ابواب
واحاول كل ماضقت استعيد الصبر والهمه
أجفف دمعة الباكي ودمعي بالخفا سكاب
اعانق واقعي واترك أساي ضلوعي تضمه
لو اني ب أكره الصادق .. وربي ما أعشق الكذاب
لأن الصدق من أصله كره سيرة ولد عمه
صباح الخير ياهمي صباح الخير يالأتعاب
صباح الخير يا أجسام بلا قلوب وبلا ذمه
صباح النور ياظلما الحياة وضحكة المرتاب
عساك بخير ياقلب تسيد مملكة همه
وش أخبار الضياع اللي يضيعني وهو ما غاب
هلا بهالجمعه اللي كل موت يشوفني يمــه .
| |
|
gamer
تاريخ التسجيل : 16/03/2010
عدد المساهمات : 20
| | موضوع: رد: لو انه شخص واجهته ونسيته حليب أمـه! الإثنين مارس 29, 2010 12:02 pm | |
| صح لسانك
وعلا شانك
تقبل مروري
gamer | |
|
فـــــــ*ـــــــرح
العمر : 32
تاريخ التسجيل : 18/09/2009
عدد المساهمات : 3601
| |
سميتك غلاي
العمر : 33
تاريخ التسجيل : 14/11/2009
عدد المساهمات : 3054
| | موضوع: رد: لو انه شخص واجهته ونسيته حليب أمـه! الإثنين مارس 29, 2010 6:19 pm | |
| | |
|
