مقابـل خـسـاره

ياما قضيت اوقات وايـام وشهـور
مقابلـك وأدري مقابـل خـسـاره

يا النت من الليل لي طلعـت النـور
عامـر وعمراتـك عليهـا ستـاره

كم واحدن يدخل وله نـك مستـور
مجهول شخص ولا عرفنـا مسـاره

وفيك الادب والصدق والكذب والزور
والكذب فيـك مبهـره مـن بهـاره

وكم واحدن من شر مافيك مخطـور
لآنك جمعت امـع الطهـاره قـذاره

واللي عرف قدرك يسميك محقـور
سلم المراجل مـا بنـى فيـك داره

خسارة اللي فيك هـاوي ومجبـور
من جمرة القطفـه يشـب الزقـاره

دايخ ولا تنفـع نصيحـه ولا شـور
ومتبهذلـن باللبـس فـاتـح زراره

ياعيشتن قشرا ويـا حـظ مكسـور
ماهوب حـظ اللـي بنالـه عمـاره

وكلن وعقله يمسك الصف والـدور
وأن طاح حظـه ماتفيـد التجـاره

ومعذور ياللي طحت بالحب معـذور
مالوم أنا العشاق فـي كـل حـاره

ومشكور يا قلبن تصبـرت مشكـور
صبرن جميل ولا يزيـد الحـراره

وسلامتكم

صح بدنكم ومشكورين على المرور