جـــزل الــمــع ــآنـــــــــي

مــرحــبــا بــجــمــيــع الأعــضــآء

أأقــدم لـكـم قــصــيــدة أنـشـآء الله تــحـوز على أعجــابـكـم

عنوان القصيدة : القلب عزيتة وشديت قيده

الكون موحش والمسا فاقد إحساس،،،،،،،والهم ينسج من خيالي قصيده
أكتب همومي بالقالم من فوق قرطاس،،،،،وأرسم معناة الجروح الجديده
القلب وش خلاه مخنوق الانفاس ،،،،،،، بين الضلوع العوج ينزف وريده
ألا الفراق وغربة الناس للناس ،،،،،،، وبعض السوالف والعلوم المكيده
ياقلب لاتحزن ولا يغلبك يـآس ،،،،،، إرتاح وإستبشر بلحضه سـعـيده
أقولها ياقلب لا باس لا باس ،،،،،، لاتقهرك سود الليالي العنيده
إللي ذكر طيبي على العين والراس،،،،،وإللي تجاهلني تجاهلت سيده
ماهمني من باعني دون مقياس ،،،،،،، عزيت نفسي والأماني بعيده
أنا كذا طبعي مع كل الأجناس ،،،،،،، القلب عزيته وشديت قيده
حوله من الاضلاع حطيت حراس ،،،،،، تحميه من غدر الليالي الشديده
إللي يذوق الغدر صافي من الكاس ،،،،،، لا بد يتعلم وعلمه يفيده
ضويت لي في سود الايام نبراس ،،،،،،، يهدي حياتي للدروب الرشيده
محشوم فكري عن تفاكير الادناس ،،،،،،، نفسي الهفوات دايم زهيده
وإللي يحاول يسرق اللؤلؤ والماس ،،،،،، ماطالته عينه ولا طالت إيده
يبطي ويشهر للبشر ذل الافلاس ،،،،،،،، لابدد أمواله بيفلس رصيده
ماكل صيد يجيبه الحر قرناس ،،،،،،،،،،، يموت بالرمضا ولاهو يصيده
كتبتها جملة أنا بين الاقواس ،،،،،،،،،،،، (لاتقرب النيران جسمك تبيده)
أعوذ بالرحمن من كل خناس ،،،،،،،،، من الوسواس والحياة البليده
ياوجد حالي كل ماهب نسناس ،،،،،،،، سافرت بفكاري لدنيا بعيده
أتذكر اللي غاب من خيرة الناس ،،،،،،، إللي وصوفه في خيالي فريده
محشوم وافي طيب العرق والساس ،،،،،،، بين البشر مافيه شخص نديده
بصبر على فرقاه والقلب حساس ،،،،،،،، حياتنا ماجت على كيف مانريده
هذي نهاية تنكتب فوق قرطاس ،،،،،،، أرسلتها عبر الأثير القصيده

ولــكـــم جــزيــــل شــكــر،،

الله الله

شاعر من عيار الثقيل


صح السانك وأسلمت يمناك

صــح بــدنــك

وتــســلــم

على الكلام ويعطيني دافع إلى سـمـاء الابداع




ـآلـهـآيـم