ياللي نسيت الغلا ناوي على الصـده

السلام عليكم ورحمة الله وبركاته

صلو على النبي

بدون مقدمات





ياللي نسيت الغلا ناوي على الصـده
طـلال باغيـك لاتبعـد علشـانـه

طـلال وده علـى أمواصـلـك وده
أرحم عيونه على شوفتـك شفقانـه

لاحن عرق الغلا بيحـت لـه سـده
يطريله الماضي وتدمع لـه أعيانـه

الزين عندك أبـد ماينوصـف حـده
والعين في شوفتك بالحيـل طربانـه

يومن يدّك علـى ماقيـل فـي يـدّه
وحبل الوصل زين والاشواق مليانـه

واليوم لاترخي أبحبل الوصـل شـده
ولاصرت ماشتقت له قلي وش الخانه

أي والله انه يحبـك طـول هالمـده
والبال ضايـق وقلبـه زاد حرمانـه

اللـي يحبـك دخيلـك ليـه ماتلـده
على الاقل حس في قلبه و وجدانـه

العـام تشتاقلـه واليـوم مـاتـوده
حـرام تجفـاه يـا أعـز خـلانـه

ان كان قصدك تصـد وخاطـرك وده
أرحم عيون(ن) تراها منك سهرانـه

الله يسامحـك ناويلـه علـى صـده
طلال يبغيك لاتبعـد علـى علشانـه




وسلامتكم

اخوكم طلال العازمي

لاحن عرق الغلا بيحـت لـه سـده
يطريله الماضي وتدمع لـه أعيانـه

الزين
عندك أبـد ماينوصـف حـده
والعين في شوفتك بالحيـل طربانـه

يومن
يدّك علـى ماقيـل فـي يـدّه
وحبل الوصل زين والاشواق مليانـه

واليوم
لاترخي أبحبل الوصـل شـده
ولاصرت ماشتقت له قلي وش الخانه

أي
والله انه يحبـك طـول هالمـده
والبال ضايـق وقلبـه زاد حرمانـه



يعطيك العافيه اخووووووووي طلال على هااذه الكلمات الرائع بل أكثر من رائعه

اختيار رائع من أنسان اروع
تقبل تحياتي أخوك عبدالعزيز

يعطيكم العافيه على المرور وشرف لي مروركم تحياتي لكم

ان كان قصدك تصـد وخاطـرك وده
أرحم عيون(ن) تراها منك سهرانـه

صح لسانك تدلل ويعطيك العافيه
قصيده في قمة الروعه سلمت يداك .. ننتظر منكـ المزييد
لك مني اجمل التحيه
دمـت بحفظ الرحمن

صحححح لسانك

لاحن عرق الغلا بيحـت لـه سـده
يطريله الماضي وتدمع لـه أعيانـه

الزين عندك أبـد ماينوصـف حـده
والعين في شوفتك بالحيـل طربانـه


طرباااانه يعطيك العااافة على الكلام الرااائع ومترقب المزيد من الاشعار



اخوكم
دكتــــــــــــــــــــور القلوب

صح بدنكم ومشكورين على المرور تحياتي لكم اخوكم تدلل