السلام عليكم ورحمة الله وبركاته
قصيده للتواصل واتمنى تنال اعجابكم
ياللي علـى درب المفـارق تسمحـت
مـدري جفـا ولا ظروفـك تـسـوي
ارحم حبيـب يسهـر الليـل لارحـت
على طريق الضيم يسـرح ويضـوي
قد لي ثلاث شهـور مافيهـم ارتحـت
ضايـع مـع التفكيـر ليتـي ولـوي
ليتك تشـوف بغيبتـك كيـف تنحـت
حتى بعـز الصيـف شبيـت ضـوي
هذا جنون الحب من تحت لـي تحـت
ويامكثر اللـي صـار فيـه امتلـوي
اجلس مع العربان ساكـت ولا بحـت
حبـك وهجـرك وطلـب الله يــأوي
عزاه ياوقت على الوصـل ماشحـت
وشجرة غلاك بداخـل القلـب تـروي
واليوم ماتسمع صدى الصوت لا صحت
وانـا مـن الفرقـا تأثـر عـلـوي
يلعنبـو دارك تـرانـي تشرشـحـت
ارحم قليبـن مـن مفارقـك يهـوي
صحيح في صبري وعزمـي تسلحـت
والصبـر للمهمـوم دايــم يـقـوي
لكن من شمس المفارق تـرى سحـت
تـوي عرفـت البعـد ذبـاح تـوي
وطير البخت ما جابني يـوم لوحـت
هو سبـت العنـوى وتعكيـر جـوي
ذي حالتي بعدك ليا امسيت واصبحـت
مجـروح قلبـي لا يغـرك هــدوي
وان طالت القصه على الموت روحـت
وان مانوى فينـي انـا فيـه بنـوي
تراك وسط العيـن للحيـن ماطحـت
ارجع ترى الفرقـا لهـا نـار تكـوي
وانا الذي فـي غيبتـك حيـل تنحـت
حتى بعـز الصيـف شبيـت ضـوي
وسلامتكم
شعر : طلال العازمي (تــــــــــدلــــــل)
موضوع: ليتك تشوف بغيبتك كيف تنحت .. حتى بعز الصيف شبيت ضوي ! 
الإثنين أبريل 26, 2010 2:58 am
