تعلّق في سما الفرقا وشوف الجـو فـي فرقـاك
بعد ماكنـت للماضـي الحزيـن اجمـل ملفاتـه
قسم بالله ماغنيـت مـن فرقـاك ومـن ذكـراك
لو ان الشعر فينـي كـل يـوم تزيـد غلطاتـه
تذكّـر كـل ليلـه بالمحبـه عشتـهـا ويــاك
وتذكّر يومـك فـنظـرة حبيبـك كـل رغباتـه
وتذكّر يوم كنت اقول لك وشلـون انـا بنسـاك
وانا اللي في سما النسيان اصارع ظلـم قسواتـه
بعـد زادت ظنونـك والمفـارق جـابـك ووداك
على خبرك ترى قلبـي ماغيـر فيـك نظراتـه
اببقى مثل ماتعرف احبـك واعشقـك واهـواك
واببقى الهاقي اللي مـن غرامـك زاد هقواتـه
انا عشـت المحبـه والمشاعـر كلهـا تفـداك
وظروف الوقت خلت كل صـدر تزيـد عبراتـه
ظلامـك لعبـة العاشـق ونـوره طلّـة محيـاك
بعد غنى على طـرق المفـارق مجمـل أبياتـه
تعيش الناس بالفرقا وانا اشوف الوصـل لامـاك
ظلام الوقت شتتنا .. انا .. ويـاك .. واشتاتـه
لو ان الصبر جاني ثـم تعدانـي عليـك وجـاك
ماشفت الصبر كاتب ( الوصال ) اكبر طموحاتـه
ظـروف الوقـت ماتعـرف محبتنـا ولا معنـاك
ولا شرهه على ظرفك وانا ادري هذي اسواتـه
رعاك الله .. ومن غير الولي في غيبتك يرعاك ؟
بعد ماكنت انا قلبك وانـا اللـي كنـت نبضاتـه
وســـــــــــلامـــتــــكـــم
اخوكم طلال العازمي (تـــــــــــدلــــــــل)
موضوع: اجــــــمــــــــل مـــلـــفــــاتـــــه 
الأربعاء أبريل 28, 2010 9:54 am
