قصيده غـــــزلـــيــــه

لسلام عليكم ورحمة الله وبركاته
..
..
..
قصيده للتواصــــــــــــــل


..
..





بصدري همومن كل يومـن علـي تثـور
همومن علـى صـدري قويـه رواسيهـا

إذا جيت أبرقد جالها في حياتـي الـدور
أطيـر منـام العيـن والنفـس تشقيـهـا

أفز ويسج الفكـر فـي مهمهـه وبحـور
وتـدور المعانـي قـدم عينـي وأنقيهـا

أجيب الجزيله ماخـذ العايـب المجبـور
وأضبـط معانيهـا وأسـنـع قوافيـهـا

سبب ضيقتن وسط الحشا وخاطرن مكسور
وسبـب علتـن بيـن الحنايـا أغنيـهـا

أنا من ظـلام الليـل لحـد شـع النـور
وعينـي تخـم النـوم نوبـه وتخطيـهـا

ترددني الذكـرى وأعـود بـدون شعـور
إلـى آخـر لقـا يومـن عينـي بعينيهـا

يومنها تجـي والدمـع فخدودهـا منثـور
تقـول النهايـه بينـت فـي مواريـهـا

حكمنا النصيب وكل واحد غـدا مجبـور
وحـان الـوداع ولا حسبـنـا تواليـهـا

وقفت قدمي الأقدار مـع حظـي المعثـور
أعـدل مساريهـا يعوكـس مساريـهـا

وسكر جميع أبوابهـا والـدروب أوعـور
ولا فـي يـدي حيلـه ولا حيـل فيديهـا

أحسبنها ضيقـت ليـال وتـروح دبـور
لهـا عصـور والدنيـا تفـرق غواليهـا

وراحت ليال اليال والحـال فـي حـادور
ولا راحـت الضيقـه وزادت بلاويـهـا

لياجيت أبنسى مر طيفـه علـي مـرور
يذكرنـي أيــام الـغـرام ومباديـهـا

يحشر الهموم بصدري الضايق المحشـور
من هموم بعدن لاهـب الشـوق كاويهـا

نفذ صبرنا والحال فـي بعدهـا مخطـور
وكبدي تـذوق المـر مـن حـر مافيهـا

أبي وصلها لكن حبـل الوصـل مبتـور
بترته السنيـن ولا بقـى غيـر طاريهـا

زمانن ماضنيـت بسنينـه علـي يجـور
وجسمـي بحاضرهـا وعقلـي بماضيهـا

تدور وتدور وكـل شيـن عليهـا يغـور
عليـج الله أكبـر يالسنـيـن ولياليـهـا

خذيتي الوليف اللي بناء بضميـر قصـور
ولامـن حصـاد ألا الدمـوع ومأسيـهـا

إذا أقبل ظلام الليل حول علـي حاشـور
همومن علـى صـدري ودقـت هواديهـا

وتجيني شياطين الشعـر وأقفـه طابـور
لهـا بيـت واحـد قـدم وجهـي تغنيهـا

أهي روحت ما عاد لك عـذر يالمعـذور
تعـذر ونفسـك مالقـت مـن يعزيـهـا

تحرك شجوني والعقل مع شجوني يفـور
وتحشر الصدور ويحرث الليـل خافيهـا

وتشد أنتباهي وأندمـج وأبعـد المنظـور
وأتـل البحـور وتنجرفـلـي معانيـهـا

ويفج الصدر شعرن بصدري لها مذخـور
ليالوحـت قــدام عيـنـي مواريـهـا

بساتين عشقن فالحشا في طرفهـا زهـور
أصبـح عليهـا بخيـر والليـل أمسيهـا

ولا هيب لحيت شور ياللي تسوق الشـور
تبينـي أعزيـهـا وغـيـري يهنيـهـا

تبيني أضيق صدرها وأكشـف المستـور
أنـا أضـر نفسـي قبـل أفكـر أأذيهـا

أبرجع على الحاله وخـل الهمـوم تثـور
لونهـا علـى صـدري قويـه رواسيهـا

اخوكم طلال العازمي (تـــــدلــــــل)

صح لسانك تدلل يعطيك العافيه وتقبل مروري

تبيني أضيق صدرها وأكشـف المستـور
أنـا أضـر نفسـي قبـل أفكـر أأذيهـا

صح بدنكم ومشكورين على المروور

تحياتي اخوكم تدلل