السلام عليكم ورحمة الله وبركاته
قصيده لأرضاء جمهور برشلونة
وأتمنى أن تنال على أعجابكم جميعاً
تبي الصراحه ماعلـى برشلونـة
نادي ويسوى كل نادي بالأسبـان
أحرز سداسيـه وحقـق ضنونـه
غوارديولا معـه مافيـه نقصـان
أدري كثير الناس منـه مغبونـه
لأنه ترى ناجح على كـل ميـدان
وأن قلت ميسي كلهـم يعرفونـه
لاعب وله وقفه و بصمه وعنوان
ماهمه الحسـاد لـو يحسدونـه
يسلم حبيب الكل دايـم كحيـلان
وأن قلت بدرو مايعرف المهونـه
أتعب جميع الأنديه ثابت أحصـان
أول ترى لاعـب تغـرد لحونـه
سوى سوايه ما تسوى بالأزمـان
وأبرا ماخان العهد دايم يصونـه
ياللي جهلته روح وأنشد بميـلان
يعطونك التفصيل وأخـر فنونـه
ويعلمونك ويش سـوى بالألمـان
والأ تيري هنري حشى مايخونـه
وافي حشى مايوم ياصحابنا خان
وخط الوسط نسيتا وشافي يجونه
وتوريه معهم يضبط أعيار الألحان
وخط الدفاع أن كان ماتجهلونـه
بيول مع بيكي وأبيـدال فرسـان
دانيال يمكن لـو بعـد تنشدونـه
غني عن التعريف ثابت ولا هـان
هـذا وفالـدز كلهـم يرغبونـه
حارس وخبره بالدعايه والأعـلان
هاذي الصراحه ماعلى برشلونـة
نادي ويسوى كل نادي بالأسبـان
شعر : طلال العازمي (تــــــــدلــــل)
موضوع: تـــــبــــي الــصــراحـــه مـــاعــــلـــى (( بـــرشــــلــــونــــة )) 
الجمعة أبريل 30, 2010 10:57 pm
