(( الشعر وهبه ))

السلام عليكم ورحمة الله وبركاته

اتمنى ان تحوز على رضاكم

(( صلو على النبي ))




مدام عنـدي فكـر بلملـم اشعـاري
بجيب جـزل المعانـي ثـم ارتبهـا

الشعر وهبه ولا هو ورثـن إجبـاري
وجزل المعاني ماكل النـاس تجلبهـا

احدن قصيده يجيبه لا طـرى طـاري
واحدن معانـي قصيـده دوم سالبهـا

وانا قصيدي مرتب فـي عقـر داري
مثل الحرار الـذي تجـرح مخالبهـا

إن كان تبغى قصيده فالحمـل جـاري
تجيـك تطـرب صغيرهـا وشايبهـا

قصيدتن ناتجه من مصـدر افكـاري
بالمسـك والـورد للسامـع مطيبهـا

انقش على صفحتي ماتخفي اسـراري
وجروح قلبـي احضرهـا واطيبهـا

والي نشد عن علومي واخر اخبـاري
اقول له النفس ضيم الدهـر صايبهـا

واقول له قابـل الاحـزان واقـداري
رجال ما اشكي من النفس ومصايبهـا

الحمدالله من عيـوب الـردى عـاري
ونفسي لجل طاعة الرحمُـن مذهبهـا

اصون ربعي ودايم ساتـرن جـاري
صبـة فناجيـل عـزي دوم شاربهـا

واحفظ حقوق الرجال اصغار وكباري
والمرجله مثل ضلي صرت صاحبهـا

ماني من الي لا جاه الهـم يحتـاري
وهمـوم نفسـه يصـد ولا يحاربهـا

ماجهل اموري اعرف الي معي جاري
وامور دنيـاي للطاعـه اسيـر ابهـا

اخذ القصيده وهاذي اخـر اصـداري
يمكن تعجب البشـر والكـل يكتبهـا




وسلامتكم وسلامت من تابـع

انقش على صفحتي ماتخفي اسـراري
وجروح قلبـي احضرهـا واطيبهـا



[i]صـــــــــ لسانك يا ذيب ــــــــح

صح بدنكم ومشكورين على المروور

لا تعليق او ردوود على كلامج الروعه الللي صراحه يعجز الشخص ان يرد عليه

سميتك غلاي مشكوره على الموور وتحياتي اخوج تدلل

احدن قصيده يجيبه لا طـرى طـاري
واحدن معانـي قصيـده دوم سالبهـا

يعطيك العافيه تدلل وصح لسانك وتقبل مروري وشكرا