على وين نمشي يا أهل المنتدى والشات
لابد نعرف ممشـا الخطـاوي وتاليهـا
لابد نعرف شنهو هدفنـا مـن النكـات
وشنهي نوايا داخـل القلـب نخفيهـا
نبيها تكون مصارحه مـو لنـا للـذات
ابي كل نك يصارح النفـس وش فيهـا
أبي منهو اللي جا يبي يرفـع الرايـات
يبي فايده للنـاس والنفـس يعطيهـا
ليا حط موضوعه يدور على الحسنـات
ولاله نوايا مـن ورى الهـرج ناويهـا
نواياه مثل السكر اللـي مـن النبـات
مـرارة زمنـا يـوم يكتـب يحليـهـا
ومنهو كتب موضوع والا كتب بأبيـات
ونواياه من خلف الكواليـس مخفيهـا
يدور بعد ما ينتهـي منـه للصيـدات
وليا شاف له صيده من بعيـد يرميهـا
حياته بناهـا كلبوهـا علـى الـزلات
يبيهـا كـذا والا كـذا ميـر يخطيهـا
ولا أقصد شباب وبس ياحضرة البنـات
كثير البنات المووت والمشكلـه فيهـا
ليا شفتهـا تفتـر وتلـف بالرومـات
تبي ولكموو من شخص لو مايدانيهـا
تقول إنزل اللي فوق وإلها بها غايـات
تبي تلفـت الأنظـار والكـل يطريهـا
وبالمنتدى دايـم مواضيعهـا شينـات
على الشينه الشيطان دايـم موصيهـا
مواضيها دايم عـن الكيـك والكتكـات
وإذا خلصـت قامـت تغنـي بأغانيهـا
ولا أعمهن فيهن بنات لهـن وقفـات
ليا جت قلوب ماتـت العـام تحييهـا
وأنا ما أملك الا أقوم للكـل بالدعـواة
عسى الله قلوب الكـل للخيـر يهديهـا
وســــلامــــتــــكــم
تحياتي اخوكم طلال العازمي(تـــــــدلـــــل)
موضوع: وتلـف بالرومـات 
الجمعة مايو 07, 2010 7:51 am
