السلام عليكم ورحمه الله وبركاته
هذي اهداء لشخص في المنتدى
صــلّـــو عـــلـــى الــنــبـــي
من منبع الحب والأشـواق واحزانـي
أذكرك ياللي على الاشعـار تحدانـي
ماعشت مرتاح في وصلك وفي قربـك
يمكنّي ارتاح لامن عشـت وحدانـي
صديت وادبرت يوم النفـس تمنعنـي
والحين . مافيه أحد يسأل عن الثانـي
ماراح مـن وقتنـا الحالـي يذكرنـا
ان المفـارق مجـرّد طابـع انسانـي
تعيشـه اليـوم بالضيقـه وبالدمعـه
وان غبت عنّك مـع الايـام تنسانـي
ماني بضايق علـى فرقـاك بالمـرّه
لكن ماغيـرك اللـي هـز وجدانـي
يحقلـك لـو تغيـب اتقـول ماحبـك
وكل الاحاسيس تعشقنـي وتهوانـي
كذاب . من نضره عيونك ومن هرجك
كنـك تبيّـن غـلاتـك واتحـدّانـي
تذكـر انـي تحملـتـك وعزيـتـك
وارخصت من شانك القاصي مع الداني
ولا انت صديت وضلوعـي تناديلـك
مالا قدر يوم رحـت يقولـه لسانـي
لك قدر بالقلـب مايحتـاج تسألنـي
كنك تساوي غلا واحد مـن اخوانـي
سكنت بين الضلوع العـوج وأخفنـك
وحبك تعايش معـا دمـي وشريانـي
يسقيـه وايكبـره وايعـز مـقـداره
حتى تمكـن علـى وزنـي وقيفانـي
لاتنصدم لـو بعـد هالحـب جافيتـك
كرامتـي هـيّ مزبانـي وعنـوانـي
يبقا غـلاك القـراح اللـي تناولتـه
رويت . وأوفيت . وأعطاني وكفّانـي
حتى لو اتغيب طـول العمـر وتقفّـي
ماني بمحتاجـك ومانـي بضميانـي
انسى رجوعي وصد وعيش بالفرقـى
ماني براجع لك ان كـان الله احيانـي
بالله روح . وتشكّر لي مـن الدمعـه
هذا آخر احساس حسيته على شانـي
وانا لـك الله معـاد أحـاول بغيـرك
القلـب بعـدك يحذرنـي وينهـانـي
الله يسهـل خطـاك ولايعثـر بــي
يا اول نجاح الطموح وآخر احزانـي
لكن غـلاك الكبيـر بداخلـي يبقـى
كنه يساوي غلا واحد مـن اخوانـي
ودمتم سالمين
اخوكم طلال العازمي (تـــــدلـــــل)
موضوع: اهديك فكري وقراري 
الخميس مايو 13, 2010 6:51 am
