من هو بقالي كان عني تخليت ..
وأنت الوحيد اللي بعمري بقالي ..
أوفيت لك ما أظن إني لغيرك أوفيت ..
أوفيت لك بأول وأوفيت تالي ..
أبسألك وش الخطا وش سويت ..
وافي معك وانته مقاطع وصالي ..
كانك تسلى بي كفايه تسليت ..
خلاص مافيني لمثلك تسالي ..
غلطه ولاني أول الناس واخطيت ..
ماني ملك معصوم عنه الزلالي ..
اكبر خطاي إني من القلب حبيت ..
ووفيت للي بالهوا ماوفالي ..
الحب ماهو بس خذني وأنا جيت ..
الحب وقفه بين غالي وغالي ..
كنك تجاملني بقولتك حبيت ..
تقدر تبدلني وتلقى بدالي ..
احلم بشوفك شوفت الحي للميت ..
اللي عن أيامه خذته الليالي ..
واحالي اللي كل مطروك ونيت ..
وأنت يراعي العظم والعظم بالي ..
اسهر طوال الليل ماعمري أمسيت ..
صورتك ذكرا ماتفارق خيالي ..
حتى لذيذ النوم به ما تهنيت ..
دايم أشوفك في منامي اقبالي ..
تقبل علي وكل ما أقبلت فزيت ..
وأقوم وأجلس في منامي لحالي ..
وآخر كلامي يوم أنا منك مليت ..
أحسن تعيش لحالك وأعيش أنا لحالي ..
نبعد أنا وياك من غير ياليت ..
لا أكون في بالك ولا تكون في بالي .. !!
موضوع: من هو بقالي كان عني تخليت ... 
الإثنين مايو 17, 2010 9:59 pm
