بدري عليّ أنساك،

يسعد صباح اللي على البال يطري
اللي على طاريه طيف ابتسامة




يدري عن أشواقي وانا عنْه أدري
مير البلا، كلٍ يداري كلامه !!



اللي سكن من بدّ هالأرض صدري
يا ليت لو هو غاب [ يوصل سلامه ]



يا عكس مرآتي ويا ريح عطري
تحرق مراسيلي و تخنق حمامه !



وتقول [ نصبر ]، بس انا ملّ صبري
يعني أبصبر لين يوم القيامة ؟!!



تنسى [ وأذكر ] بس على الله خبري
أتسحّر لساني واتمّم صيامه



والبارحه باآآح الألم [ سدّ ] حبري
واكمل على كبت الأحاسيس عامه



وينك تشوف الصبح والليل يسري
لا طاب يوم ولا اهتنيت بْـ منامه !



وينك تشيل من التّعب حِمْل ظهري ؟
وينك ضيا يكسر زجاج العتامة ؟



وينك ذبحني الشوووق يا [ عمْر عمري ]
بقووولها وانْ زدْت فيها خصامه !



في كل حالاتك تبي تغيب [ قسْري ]
وش له يكمّل صدر حبري فطامه ؟



بدري عليّ أنساك، والله بدررري
أما انت غيييب و رافقتك السلامه !!