((هــــــــــــــــــــاذه اعترافي )) ** اغـــــــــــلا قصيدة

السلام عليكم ورحمة الله وبركاته ...

بسم الله الرحمن الرحيم .. و اللهم صل على محمد وعلى آله وصحبه أجمعين ...

ايقنت بأن مهما كتبت سوأ ان طال عمري او قصر بأن لا تفيض القريحه بتجسيد قصة جرت لي سوأ غير هاذي القصيدة ..

وها هنا اضع بين ايديكم اخر واغلا قصيدة لدي ..

اتمنا ان تحوز على رضائكم .. وتروق لذائقتكــم .. اتمنا لها المرور


صـــــلو على النبي ..

.

.

.






في ليلتن قمـره بهـا الجـو صافـي
و نسناسها الغربي يذعذع على هون

ببيح مافي خاطـري مـن خوافـي
مادمت في شرع المحبيـن مرهـون

ما دام خلي بالهـوى قـال كافـي
ابيه يعرف بس عنـدي وش يكـون

فـي درب حبـه قادنـي بحترافـي
عقله رزين مصاحب الذوق بفنـون

له قبلتن لا شافها شخـص حافـي
درى براس المال .. ماهوب مليـون

عينه كما عين اشقرن حـر صافـي
عنق المها .. و الخصر ناحل و مفتون

ابو جديلـن بيـن الامتـان ضافـي
و ابو ثمان(ن) كنها الثلـج فاللـون

ادمنت في حبه وبصمـت اعترافـي
و مد العهود و قال وافي ولا خـون

وادمن علي واسرف و زود اسرافـي
و من خوفي اردد اليا غاب و شلـون

و نضمت له شعر و حبكت القوافـي
و سهرت له يوم المخاليـق يمسـون

وجروحه الي فـي خفوقـي عوافـي
اصفط له الراحه و لو كنت محـزون

عشنا هوانا بروح و احساس دافـي
و خضنا الغرام وباح ما كان مكنون

حتى انحنـا درب الهـوى بنحرافـي
يبكي وكبدي فاتقه كلهـا طعـون

بسبـاب ضرفـن قادنـا للتجافـي
اقفا .. و جرت ورقت الشوق بلحون

عليـه مايلحقـه منـي خـلافـي
ارفع له البيضـه و بالبعـد مصيـون

مهما يطول البعـد يبقـى سنافـي
و ابقى اسيرن في غرامه و مسجـون

تجرفنـي الذكـرى عليـه انجرافـي
اهيـم وعيونـي تفضـي بمخـزون

عقبه جميـع البيـض كلهـا تعافـي
لو هو عرض لي من قفا البيض مزيون

وعقبه بدرب الحب مابـه مصافـي
معاد به حب(ن) مثـل مايقولـون

وعقبه مكانه موحش .. الليت طافي
حرام عقبـه ماتهنـت لـي عيـون

شفي مـن الدنيـا يعيـش متعافـي
ماتنقصه حاجـه ولا هـو بمديـون

محبتـي لـه جـد ماهـي هرافـي
يوم ان بعض الناس كذبـة يحبـون

وما نساه لين الكفن يصبـح لحافـي
ولين المساجد مابهـا مـن يصلـون

مانساه لو انـه قطـع مـا يشافـي
عساه يذكرني اليـا جالـه شجـون

و اغلا قصيده جات و الكل غافـي
بنزف الجروح الي صعيبـه يخيطـون

(( وهاذي تواقيعي وهاذه اعترافي ))
خضنا الغرام وباح ما كان مكنـون









وســـــــــــــــــلامتكم




شعر \ طلال العازمي




استودعكم بحفظ الله ورعايته

وتقبلو خالص ودي وتقديري

صح لسانك
يعطيك الف عافيه



تحياتي

امير الذوق

صح بدنكم ومشكورين على المروور
تحياتي لكم

[b]صـــــــ لسانك ــــــــح