مطفي الشمعه بالدمعه

قل و شتبي بكيفي .. خلني على كيفي .. كتلة مشاعر مهمله و الحزن هو
ضيفي
لا تسالني و شلوني لوني سمار الشمس ..
ولا يهمك جنوني تراها جروحي خمس
اول جروحي قلب ميت من الاهمال ثانيها صدمت حب
ماتت برواقة بال
و ما عدت انا اهتم بجراح ما تلتم .. و خلني اكمل لك و اسمع بعد شملك
باقي ثلاث جروح بحكيها لك و اروح الثالثه احزان من راسي لقدامي
و الرابعه هجران ماتت بها احلامي و الرابعه هجران ماتت بها احلامي
و ما عدت انا اهتم .. بجراح ما تلتم و خلني اكمل لك و اسمع بعد شملك
باقي الاخيره نزف باقي الاخيره ضعف دمع وقف بالعين جمر الحمر ما جف
و خامس الاخماس يا سيدي الحساس اني
انا كلي كلي ما عاد بي احساس
و تسالني عن كيفي
؟؟ والله
مالي كيف
و الحزن هو ضيفي و الهم بقلبي سيف

آآه آآه .. خمس
جروح

غبت عني و الشوق جابك.. عمري الغايب هلا بك
يا مسى الاشواق يا روحي الهوى يسال جروحي
غبت وين الناس قولي .. انت وينك قلي وينك الهوى مشتاق
في المحبه ابتدي
من وين في المحبه يا غرامي شوقي لك آه بعثر كلامي يا حبيب رموحي
قل لي يا خلي من
اللي ياخذك مني و انا اللي توقف ايامي في بابك في غيابك يا حبيب
روحي
في دروبك الف كلمة شوق تبتدي بك تنتهي بك ..
تظحك ابنظرة حبيبتك يا حبيب روحي
قلي يا خلي منو اللي ياخذك مني و انا اللي
توقف ايامي في بابك في غيابك يا حبيب روحي

معقوله
تنساني و تحب لك ثاني و انا اللي اغليتك يا نصفي الثاني
يعني
هاين عليك تترك واحد يبيك سلم قلبه بيديك وهو راضي
خلا جميع
الكون ما غيرك انت عيون من بعد هذا يكون هواه ماضي

حسبي على
عاذلا ابعدك عن عيني من بعد ذاك الوصل وينك و
انا ويني
يا خوفي
ناسيني
ما غبت
عن خاطري لو لحظه يا غالي طيفك رفيقي ترى حلي
و ترحالي
اترفق
ابحالي !!

نجوم الليل والغربه تذكرني زمانٍ فات
تذكرني ربيع العمر واسترجع ملفاتي
سرابك هاجس الذكرى وراحت بالهموم وجات
سنا الذكرى يحرك ثورة الأشواق في ذاتي

أنا الهايم وأنا المغرم وانا الساهر مع النجمات
وانا اللي قسّم أوقاته حنين وصبر وآهاتي
ألا يا صاحب الذكرى من أجلك كم كتبت أبيات
ومن أجلك عشقت اللي مضى واللي معاه باتي

عظيم الشوق للماضي يحطم باقي الحسرات
ويرسل بالأمل نوره على دربي وخطواتي
انا بجامل الواقع وأعايش وقتي اللي فات
وأجلد صورت الماضي على رسمي و لوحاتي

وين رايح .. بهالسهوله
هانت العشره عليـك

وين رايح
.. انجرح صوتي وانا انادي
عليـك

يعني مرتاح بغيابي ولا
ماهمك عذابـي

كل شي والله يسألني
عليــك

انا ما احبك انا اتنفس
هــواك

كل مافيني يصوتلك
ابيــك

ضاعت سنيني وتاليها
معاك

رد روحي
لا تضيعها بيديك

انت مثل العمر مره في
حياتي ما تكرر مرتيــــــــــن

والله لو لي عمر ثاني
والله لا اعيشك مرتيــن

ايه احبك حب اغلى من
حياتي فوق كل
العاشقيــن

شفت هذا
البعد كله من اجيلك ما
يساوي خطوتين

شفت هذا الكون كله من
اجيلك ما يساوي خطوتين

كافي صدمه يا حبيبي لا
ما اتحمل صدمتين

يا احبك او احبك اختار
من هالكلمتين

والله دمرني
الحنين شوف دمرني
الحنين

إنت آخر من على الحب
يتكلم
إنت أستاذ الخيانه
والجراح
ماتحس ماتغار ماتألم
راح عمرك بالغدر والكذب
راح

***

الوفا
والحب عندك شكل ثاني
تشتري بقلوب الناس
وتبيع
موأناني إنت أكثر من
أناني
إنت صحرا من مشى فيها
يضيع

***

البدايه بعشرتك يعني
نهايه
قلبك القاسي عن الطيبه
بعيد
إنكشفت وبانت غصون
الحكايه
يوم بعدك صار
عندي يوم عيد

***

أحلى أيام العمر ضاعت
معاك
وقلبي الغالي
جرحته بإيديك
بعد ما علمتني أتبع
هواك
علمتني الدنيا كيف أقصى
عليك

احبك كلمه بمعانيها حب وصدق
واخلاص

احبك يابعد هاالدنيا حب
بدون قياس

احبك والله العالم اني بهواك
محتار

من نظرتك من علومك

من كل ماتنطق به شفاك

احبك ..

ايه انا احبك

احبك و احب كل من يحبك

و اكره عدوينك

وعودي باقية مر الزمان

و وعودك ما فيها إشكال إن
انمحت

أجمل غلا وأجمل محبه تمسيك

يذوب معها خافقي فيك كلك

كل المشاعر يالغلا ذايبه
فيك

أحبك موت وإن خانني أقولها
الصوت باكتب حروفها بدمي و أكررها احبك موت

أنا أعشق الكلمة اللي

تنطقها شفاك

أنا أعشق

واتنفس هواك

سبحان من كملك

بالحسن وأعطاك

كل مفاتيح القلوب

تملكها يمناك

يا بعد كلي أنا

كلي فداك

وين ما تروح ترى

قلبي معاك

مطفي الشمعه بالدمعه - صفحة 3 Kaza_s47S7VMPqV

بنيتك حب في قلبي ولكن حظرتك تهدم
كرهتك حيل [

وكل هذا من اسبابك

تقول آسف ويخلف الله بقى بوجه
التسامح دم
اسامح كل شي إلا الخيانه ونشوة اعجابك

انا يالك اجي واحد يساوي في عيونك كم
ولا ما اجي عندك واغير ناتج احبابك

تجيني والندم واضح ولا اقدر اقولك سم
لأن الجرح من شافك تضايق وقال وش جابك

وإذا تحسبني برجعلك بلاش تفكر
وتحلم
لأني مو مثل اول احقق رقبة أهدابك

قديمه لعبتك هذه وكفايه ما أبي افهم
ارجوك ابتعد عني انا مو ناقص ألعابكـ
....}

أغليك حتى لو غبت ~
بغليك ~

أغليك لوكل البشر
عاآآآرضوني ..أغليك حتى لو تناسيت شاريك

" واهواااك "
لو كل البشر

ضاآآآيقوني ..

وأنساك كيف وعالمي تايه
فيك أنساك وأنت < أغلى البشر >

في (عيووووني) .

حقيقة صفحتي بيضاء

ولاعمري جرحت إنسان

أجامل ابتسم للناس

وكلي شقا وأحزان

أقولك كل هالدنيا فداك

إلا مواجعها..

عمري لو هديته لك

ماأظن تعرف غلاك

أحلف إني أعزك

وأشتري روحي رضاك

§(أموت بنظرتك وأعشق)§

§(سكون الحرف بشفاتك)§

<((أبي أصبر على
بعدك))>

<((ولكن كل شي
ضدي))>

~§(ولا أقدر على بعدك)§~

~§(خلاص بشوفتك ودي)§~

<<أنا هاللحظة ما
عندي >>>

~§(حبيبي كانك المخطي)§~

~§(حضنت بروحي زلاتك)§~

>>>إذا عندك عذر مقنع<<<

~§(سوى حب ملاصدري)§~

~§(يفوق الحب في ذاتك)§~

قالت أحبك قلت ذا شي

باين

وأكبر دليل اني بعينك ولا

شي

كل البشر عندك مجرد

رهاين

والحي في عينك بقايا بشر

حي

_________________

ماعاد بيدي انفعل وازعل واعاندهم واثور

ماعادفيني اشتكي واسمع كلامك واقنعك

طيفك دفنته واعترف كلي معك قسوه وجور

دامي نثرتك في الهوى لايمكن ارجع واجمعك

_________________

تدري وش أخر ماكتبت البارحه؟كتبت دنيا رايحه!!

يعني ولاتسوى تعبها وهمها..من ضمها خاسر..

وخاسر من تركها في ضلوعه سارحه..

دنيا ينساك فيها من تحبه وتعشقه..

دنيا على كبر الأماني والوهم دايم تضيق وجارحه..

_________________

ماعاد له داعي تراسلني ولا أراسلك..مادام رحت وخاطرك طاب مني..ياصاحبي
قلبي ترا اليوم ناسيك..خاب الرجا فيك وخيبت ظني..كنت أحسبك سيفي إذا ضقت أناديك..أثر
البلا سيفي هو اللي طعني.!

_________________

يعني لو ماأسأل عليك تهدني...!!

ياخي إسأل حبيبك مات وإلا حي...!!

ماأجبرك تشتاق لي وتودني...!!

بس إرسل شوفني محتاج شي...!!

حتى العدو اللي سبق وضرني...!!

بين حزه وحزه يشيك علي...!!

أغريتني بالحب

ونظرات الاعجاب

ثم جيت لك طفل

من الحب ساري

وشلون أعيش الحلم

والبس له ثياب

‏وانت من الأخلاق

أصبحت عاري

واليوم أناببعد

ووضحت الأسباب

مايجتمع بالحب

بايع وشاري

_________________

لا تعتقد لامن زعلت وتغليت ٠٠

__يومين والثالث أجي لك مشتاق

لا والذي يرجع له الحي والميت ٠٠

__ماأنحني حتى ولو هالصدر ضاق

شيصير يعني عاد لامنك أخطيت ٠٠

__قبلك كثير اللي تحدوني بفراق

وعلمتهم معنى الفراق _وتحديت ٠٠

__وذولاك شفهم محد من الندم فاق

صدقني أنت اللي بتخسرمن أغليت ٠٠

__وإلا أنا ياكثر أبا ألقى لي عشاق

ماراح أموت بسبتك لو تخليت ٠٠

__مهما تعبت وضقت من نار الأشواق

_________________

(خـــــــــــــــــــلاص)

ماعاد تعني لي ولا حاجه.!!

رح جعل ربي يوفقك ويوفقني.

عطيتك أكثر من اللي كنت محتاجه!!

بأسرفت في حبك لين الحب وهقني.!!

لو أدري أنك مرافقني على حاجه!؟؟

لأعطيك حاجتك وأقول *فارقني*.

_________________

خلاص حبك داخل القلب منهار ...

خلاص يكفي ماحصل منك كافي...

مهما رجعت وجيت مانقبل اعذار...

رح في طريقك ياحسين الوصافي...

حبك سراب وصرت خاين وغدار...

واثرك على درب الوفى منت
وافي...

لجلك سهرت وهلت العين مدرار...

ولجلك وهبت القلب والحب صافي...

وهذي النهايه مامضى صار تذكار...

يكفي كفايه ماحصل منك كافي...

_________________

إرحل وليتك إليا من غبت تنساني...

مثلك إليا غاب عني

ماترجيته!

ماني على شوفتك بالحيل شفقاني...

بالصبر قلبي على الهجران عزيته!

ماظن لارحت عقب اليوم تلقاني...

حبك وماضيك من قلبي

تناسيته!

قلب سكنته سكن به واحد

ثاني...

خلن وفالي بطبعه يوم

حبيته!

اجرح وكابر ولكن

لاتحداني...

عليك صعب خضوعي

لو تمنيته!

لا تحسبني بجيلك يوم

تجفاني...

ذكراك ماتت بقلبي يوم

خليته!

لك يوم تحتاجني فيه

وتمناني...

لابد تندم على فعلن

تجنيته!

‏_________________

ناظرني بطرف عينه

وقال:لوتفارقنا أموت!

وافترقنا..لارسايل ولاصوت..

وكنت دايم أسأل:

ياترى وش صار فيه؟؟

قالوا:

مبسوط ماعليه صارأجمل..

ابتسمت وقلت:

هذا اللي أبيه..بس كيف أنا صدقت يوم قال:

إنه بعدي بيموت..؟!

_________________

قلتلك ياقلب لاتامن قريب

ليش تحرقني معاك وتحترق

بهالزمن ينساك حتى اقرب قريب

والوفا في هالزمن حبر وورق

_________________

ألاياطفل لاتكبر..

كذا أجمل

*أحبك*

لا تحسب كلمتي زلة لسان

الغلا ما يحتمل شك ويقين

اللسان بساعة الشدة حصان

والخجل ما يبعده مسح الجبين

معك ينساب الحكي حب وحنان

وكل شدة بس قدامك تلين

مابقى للصمت في صدري مكان

إيه *أحبك* قلتها والله يعين

إذا كان للمحبه درب

فحبك أول دروبي

ولو درب المحبه صعب

رضيته وأنت محبوبي

أجمل زمن في ظل حبك قضيته

وأحلى قصيده قلتها فيك ولهان

والعين تهوى كل درب مشيته

والرجل تاطى لك شعوب وأوطان

حبك هو اللي فالحياة أرتجيته

وعرفت في قربك معنى غلا إنسان

ـــــــــــــــــــــــــــــــــــــــــــــــــــــــــــــــــــــــــــــــــ

ثلاثه تملكها وهي أغلى ما عندي: اشوفك وصوتك ورسايلك لا تحرمني منها
رجاءً

ـــــــــــــــــــــــــــــــــــــــــــــــــــــــــــــــــــــــــــــــــــــ

سطرت أحروف المحبه غلا وأشواق للغالي

اللي وسط القلب ماأخذ محله ناديتك حبيبي

لا تترك القلب يشتاق هات الفرح والبعد ما أقواه خله يانبض

شعري يااسم داخل القلب خقاق أنت الحبيب اللي قلبي

مايوم مله لوأكتب أحساسي تضيق به الأوراق أنت الشعر وريح العطر
والغلا كله

أدور لك كلام أجمل و لا أجمل من كلام القلب ؛؛

و عمر القلب ما يكذب نهار يكلم أحبابه أطير لك
حمام البال و أفقد كل ليله سرب ؛؛

يمسيه الورق في حضنه الدافي و يدفى به
شعوري لو نثرته للهبايب كل جرح هب ؛؛

و عنيت الهوى و أهل الهوى و الحب متشابه

فديتك يابعد حالي فديت أسمك..فديت رسمك وقدرك بالسمــاعالي

فديت فرحك على ياسك.. فديت صبح مر على يومك.. فديت حلم
من حلومك..

آه كيف أوصف لك أرتعاش المشاعرأو حروف القوافي تحتوي قلب
ثائر

أرحميني أحتويني أنتشيني م الولع*أجمعيني في القصيدة أو في الحان
الأغاني

أجمعي كل الأماني مثل أوراق زعتر*وتعالي نشرب الحب ونغني
ونبوح

عساني أفقد *عمر* بدونك

ولا أفقد *لحظة* أعيشهابكونك

أحبك

وأحب

فرحك

وشجونك

حتى

إني

من زود حبي

عشقت

((جنونك))

ماتقبلت الفراق وما ليدي فيه حيله
آه لو ان الظروف المقبله تكشف قدرها
لو يعرف الشخص منّا وش مع الغيب ابيجي
له
كان جنبنا المشاكل من قبل يوقع ضررها
ما هقيت الليله اللي جابت الفرقا طويله
لين صارت ليلة امس بعيني اطول من شهرها
والعذاب اللي يذوب بعين من يفقد خليله
عندي اكبر من عذاب العين لو تفقد نظرها
والحبيب اللي صدوده مثل مداته جزيله
صد عني واعرفه لو صد عن حاجه هجرها
~~

لوتحب أكتب كتبت ولو تحب أمحي محيت
وش بغيت أمر تمنى لايغرك صغر سني
شايف أنجوم الثريا جبتها لك لو بغيت
لو بعيش أعطي كفوفك مثل ماكفوفك عطني
لاتحسب أني بوفي لو عطيت ولوعطيت
أشهدني ماوفيت ولو وفيت أنشهدني
قلت عن نفسي مقصرواشهدني ماوفيت
لأنك أغلى من عروقي والوريد اللي سكني
واعتزازك تاج يبقى فوق راسي ماحييت
لأختلف فيك شخص ضنك لازم أخلف فيه ضني
وأن رويت الماي بروى مثل ماأضمى لاضميت
وأنزعلت أزعل وأبرضى لارضى قلبك لأني
واجب أزعل لازعلت وواجب أرضى لارضيت
انت مثل البحر تعطي والعطى ثقل وتأني
بس هو يعطي وياخذ وأنت ماعمرك خذيت
~~

موت فيني واندفن فيك بثياب الحداد
وان حييت أموت لرضاك واحيا بك بهون
مره ارقد بالكفن وانت ترقد بالمهاد
ومرة ارقد بالمهد وانت ترقد بالكفون
ادري ان شجونك شجون واعنادك عناد
والبلا ان عنادك عناد وشجونك شجون
ربك اللي سخرك لي تقود وما تقاد
والله الخالق ولله في خلقه شؤون
ازرع ضلوعي من رضاك وابشر بالحصاد
لعنبو من جيت ترضيه وترد امحزون
بس تسوالك بلد ؟ قول تسوالك بلاد
انت كل العالم بكون ولحالك بكون
~~

أنا جيت اعشقك نبض ومشاعر ما اعشقك تمثال
أنا جيت اسكنك واحياك وابقى فيك وابقى لك
أنا جيت بظما عاشق تعب يطرد سراب اللال
أنا جيت استفز رضاك من فرقاك والجا لك
أنا ما همت بك عاقل أنا كنت اعشقك بخبال
أنا ما كنت احبك حي أنا كنت اعشقك هالك
تخيل من كثر ما اخاف تلقى للزعل مدخال
أخاف اخطي على طيفك وادوس برجلي ظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن اللي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك
~~

ماهقيت ان السعادة خيال في خيال
تروى قلوب الحبايب وقلبي ما روى
كنت ابشتال الهوى والهوى ثقل الجبال
وان تحملت الجبل ما تحملت الهوى
كنت ابسلى بالهوى والهوى صعب المنال
ما رضا لي حظي اللي طواني وانطوى
قلت لا فراحي تعالي ولا قالت تعال
والخفوق ان قلت ابقبل على صدي نوى
الله أكبر لا شرقت شمس يتلاها زوال
كيف ابفرح في صباح مع الليال استوى؟
لاحصل بالحب قسمة ولا جا لي مجال
غير اشوف معاند الجرح وعناد الدوى

ليتها ودعتني في وقت
الرحيل

ماعلقت قلب تعنى لاجلها

تصرخ الآهآت اه يالجرح العليل

وانا الليالي له سهرته كلها

مالوم عيني لو مادورت له بديل

أجمل من الدره واحلى من صدفها

تاريخ التسجيل : 19/02/2010 عدد المساهمات : 5936

يعطيك العافيه مطفي الشمعه بالدمعه وصح لسانك

ازرع ضلوعي من رضاك وابشر بالحصاد
لعنبو من جيت ترضيه وترد امحزون
بس تسوالك بلد ؟ قول تسوالك بلاد
انت كل العالم بكون ولحالك بكون

تقبل مروري وشكرا كلام في قمة الروعه

الاروع هووو تواجدك اخووووي
مشكور ويعطيك العافيه على المرور الكريم
تقبل تحياتي

» في ضيافتنا مطفي الشمعه بالدمعه
» مطفي الشمعة بالدمعة تستااااااااااااااااااااااااااهل النجومية بستحقاق وجداره