السلام عليكم ورحمه الله وبركاته
حبيت اكتب لكم هالقـصيده .. واتمنى انها تعجـبكم
اقــول
يامن عليه الشعر يرخي قوافيه
ياللي قصيدي فيه زآيد جمآله
من قبل اعرفه والشعر ماعترف فيه
ومن يوم عرفه والشعر له جزآله
اكتب قصيدي فيه ولغيره الغيه
لحضرت سموه تنثنيله لحاله
ياللي قصيدي في وصوفه يحليه
ياللي حياتي كلها له فداله
مافيه مخلوق(ن) بيعيني يسآويه
كل المشآعر تنحني كلها له
اهواه يعني اعشقه يعني اغليه
واغلي عماامه واغلي امه وخاله
يطري على بآلي وطيفي مخاويه
وانا ادري اني دايم(ن) في خيآله
جتني رساله والقدر حل طآريه
ياويل حالي من هذيك الرسآله
قال النصيب وقلت وش فيه يآهيه
قال اخطبوني غصب ماهي سهاله
بستوعب اللي صار ماني بقاويه
حسيت قلبي يبتدي بشتعآله
عزاه ياقلبن تقطع من ايديه
عزاه ياقلبي وياعزتاله
مشيت دربه بس انا الحين ابنهيه
ضاعت دروبي من جنوب وشمآله
طرا علي شطرن كثيره معانيه
للشاعر اللي صاحبه ماصفآله
(((اللي يبينا عيت النفس تبغيه)))
واللي تبيه اليوم صعبن منآله
وسلامتكم ... طلال العازمي
موضوع: جتني رسآله والقدر حل طآريه .. يآويل حآلي من هذيك الرسآلــــــه 
الجمعة يونيو 04, 2010 9:01 am
