أجملماقيل في الخيانة ....شعرا

تاريخ التسجيل : 06/06/2010 عدد المساهمات : 10

مساء الخير ....حبايبي ......شفت هالموضوع وواااااااااااااااااااايد عجبني قات لازم تشوفوه وأتمنى يعجبكم........

تخطي وادور من غلاتك معاذير
واضحك وأنا اللي غارق (ن) في دموعي
كل الجروح الماضية دون تفسير
عشتك عذاب بكل صنف (ن) ونوعي
الحب ماله قيمة (ن) دون تقدير
مانت الذي راضي بحبي وقنوعي
يا صاحبي افراق هوانا عن الغير
أنا الوحيد اللي مشالك بطوعي
ليتك تسائل ليه حبي بتبذير
وليه انحني لك دايم (ن) لك خظوعي
اما نتفاهم ولا قلنا مقادير
ما يستمر شوق (ن) وحب و قطوعي
قلبي وفالك وانت قلبك خدعني
خدعت قلب كان بالحب شاريك

بكذب وخيانه وغدر قلبك حضني
في وقت قلبي فيه يسهر يداريك

ماكنت أظن قصدك بحبك تذلني
ذليتني من بعد مامت انا فيك

ببعد بعيد واوعدك ما احني
ابشر اببعد ومع حبيبك بخليك

وابي مماتي ياخذ الروح مني
تاركلك الدنيا بها الله يهنيك

واذا سأل في يوم انا انسان عني
قله توفى والسبب طعن بيديك

خل الملام ب/ داخل الصدر مكنون.

..ما الله على تقليب ,’ حزني ,‘ موازي ... !
اليوم يمكن | تتعبك | بكره تهون
.....قم قدم ل : موت الغرام ... التعازي ... !

كنت أدور في عيون الناس إجابات لسؤالي..

يمكن أعرف وين رحت؟ وليه رحت؟ وكيف أجيك؟

كنت أقول لكل شارع .. ماوطتك أقدام غالي!!
من كثر ماكنت أبي وصلك.. وأبي قربك.. وأبيك

عندي سؤال وخابر في تجريح
لكن ضروري تاخذه بانبساطي
ارفعك بيدي للسما ترجع تطيح
قلي وش أسوي فيك لا صرت واطي

[النفس طآبت( قلبي )اليوم ينعيك ..
في حبك اللي مات إقبل عزآتي

بالأمس يوم أرجيك مآغآب طآريك ..

واليوم عندي صرت ذكرى بحيآتي

مات الأمل مآدام غيري مرآعيك ..

عفت الحياه بيوم موت أمنيآتي

على جدآر آالحب بنشر تعآزيك ..

ولآتطري آالرجعه بيوم وتآتي

ليت البحر يحكي لي أسرار مآفيه

حتى يعرف الفرق بينه وبيني ~~

إن كآن موجه يشكي اللي يعانيه

أنا "دموع الحزن " عنوآن عيني~~

أنا اليتيم اللي فقد شخص يغليه

أضحك وأجامل وألشقا مبتليني

عيشة عدوك عيشتي عقب فرقاك

عايش ولكن عيشتي ماتسرك

ظلمتنا وتقول حنا ظلمناك !

وأنت الذي كفيت خيرك وشرك

حبل الموده لاقطعته وصلناك

متربع بالقلب لله درك

آمر وحنا من يمينك ليسراك

وتشوف عينك ياشيخ مايسرك

صعبه اذا خنت العهد...

وش عاد عذرك ينفعك...

تخسر حبيبك للابد...

ومايفيدك حتى مدمعك...

جرب تجافيني وتصد...

تلقى عيوني تودعك.

ما ألومك كان قلبك ثارت أمواجه وخان
الخطا مني , لأني صرت في بحرك سفينه

والسؤال اللي كتمته وما نطق فيه اللسان
كيف إيدك إطعنتني وآنا أحسبها أمينه ..

جرحي ما يرضيه قلبك لو يجي كله حنان
لو تبوس الجرح فيني ولو تقبلها إيدينه

تعبت انا آنثرهم قلبي على الناس

وتعبت ادور للحقيقه حقيقه

يلعن ابوه شعور لابوه احساس

لاجيت اسوي من جراحي حديقه

كفايه ظلم يانبع [ العدل .. و .. الحب .. و .. الإحساس ]
ترى بيني و بينك مابنا من يكره الثاني
تعال وعاتب ل بكرى بعد بكرى وخل الناس
بعد ما أرضيت خاطرهم بتوديعي و نسياني !

نسى إسمى وبإسم غيرى نادانى

جرحنى جرح ما عمرى تألمته
وتأسف لى وتعذرلى وترجانى
قول غلطه وسكت عنه ما كلمته
شسامح فيك تنادينى باسم ثانى
حسافه بس غلاك بالروح سكنته
اليوم اسمى باكر بكبرى تنسانى
خلاص ارجوك لاتفتح باب سكرته
خلاص انا محيت اسمك من لسانى
وكل اسم على اسمك تجنبته
ما عاد حبك يهز شى فى وجدانى
ولا انت ذاك الطفل اللى دللته
انا ما اعرف اشيل هموم ولا اعانى
ولا اندم على انسان اذا عفته
وادوس انا على جرحى واحزانى

هذا اللى من الدنيا تعلمته

ماودي الناس تدري وش يبكيني
كرامة النفس ورث أبوي وأسلافي
أمشي وأحس الخناجر في شراييني
والبرد يمشي وراي وينهش أطرافي
وحيد والليل بردونه يغطيني
تقول كن البلد روح بها السافي

على كثر الجروح اللي في قلبي ما جرحتك يوم

وعلى كثر الحزن والهم لا ونيت زدتيني

ترى ما همني موتي ولا عيني نساها النوم

انا اللي همني جرح بموت وما برح فيني

ماكنت أظن اني على مر الأزمان ..

أعشق وأحب انسان خاين ..

أناني

تبي الحقيقه كنت شاري وطمعان ..

أطمع بحبك .. وأشتريك بحناني ..

سولفت لك بأيام ياكان ما كان ..

وأخلصت لك ياغنوتي في زماني ..

عبرت لك باحساس .. وعيون .. ولسان ..

قلت القصايد فيك بأجمل معاني ..

غنيت لك بأحلى القصايد والألحان ..

لاشك معك الوقت يمضي ثواني ..

لكن بعد حبك تجرعت الأحزان ..

وأقفيت أشيل الهم وحدي أعاني ..

عانيت من غدرك كذوبن وخوان ..

خنت الوفا حطيت واحد مكاني ..

( بيت ) حفظته من قديمات الأزمان ..

باختم ( بقوله ) مابدا به لساني..

أكبر قهر لاضاع عمرك ورى انسان ..

انته تبيه وهو يبي شخص ثاني ..

ياللي جرحت القلب خنته وصديت

أصد وأنسى وأبتعد وآتحداك

لاتحسب إني بعد روحتك وليت

الشاهد الله كن ماكان طرياك

كني حلمت بعز نومي وفزيت

والحلم راح بصحوتي وراح ذكراك

وابا انصحك بالحب وإن صارلك بيت

لا تهدم ركون المحبه بيمناك

ولاتامن الأيام كانك تعليت

مثل ماتجفا الناس تأخذ وتجفاك

رح يامقفي وأنا عن دربك أقفيت

لأني عزيز النفس وأقدر بلياك

يمكن تطول غربتي . سنين وسنين..

وفيها عيوني مايطولك نظرها..

لكن تاكد لو تضيع العناوين..

تكشف لك الدنيا وخافي قدرها..

انك عزيز ومنزلك داخل العين..

بين الرموش وبين صافي بصرها..

تفارقنا و صرنا يا حبيبي بالزمان أغراب

وتاهت في دروب الشوق يا عمري خطاوينا

تفارقنا ولا ندري عن الفرقا وش الأسباب

ظروف الوقت ولا خانت أحكام القدر فينا

حبيبي يا بعد كل الحضور ويا بعد من غاب

ترا لو عاندت دنياي ما و الله تنسينا

أكيد إنا تفارقنا .. و لكن ما نزال أحباب

سكن فينا غلاك اللي على بعدك يواسينا

طلبت الموت والموت عيى لا يجيني

يمكن اذا مت حبيبي اليوم يبكيني

وافرح واقول حبيبي بكى لجل عيني

راضي ببكاه ولو السبب هي نهايتي

على كثر الجروح اللي في قلبي ما جرحتك يوم

وعلى كثر الحزن والهم لا ونيت زدتيني
ترى ما همني موتي ولا عيني نساها النوم
انا اللي همني جرح بموت وما برح فيني

خل الملام ب/ داخل الصدر مكنون ’
......................ما الله على تقليب ,’ حزني ,‘ موازي ... !
اليوم يمكن | تتعبك | بكره تهون
.......................قم قدم ل : موت الغرام ... التعازي ... !

أيهما أهم بحياااااتك ؟قلبك ؟أم كرامتك

كرامتك ام قلبك ؟

هل من المعقول ان نستغنى عن قلوبنا

للاحتفاظ بكرامتنا في سبيل ذلك

لماذا يبيع الصديق صديقه والحبيب حبيبته والعاشق وغيرهم (؟)

وكل شخص اكيد صار له موقف من الحياة سواء مع صديق

او حبيب او زوج .... هذه هي الحياة ؟

لم اجد سبب لذلك ..!

صحيح انه لابد ان تكون كرامة النفس فوق كل اعتبار

ولكن لماذا ولدت التضحيه اذا كانت كرامة النفس هي المنتصره

غالبا ؟؟

ام هي مجرد كلمات نؤيد مضمونها ولكن بدون العمل بها ....

لنقف لحظة على بعض الجمل

هي موجوده في حياتنا ودائما نرددها في موقف معين

لا

وانما في حدث ،،،،

خداع

خيانة

كراهية

كذب

ضعف

هزيمة

قالوا :

( من باعنا بعناه )

( اللي يهواك اهواه..واللي ينساك انساه )

( الذي لا يعتبرك ربحا لا تعتبره خسارة )

( الصديق وقت الضيق )

فكـــر قليلاً ...

هل نستطيع حقا تطبيق ذلك !!

فعندما نلتقي بصديق مثلا ..نثق به..ونبوح له بمشاكلنا

ثم

مع مرور الايام نكتشف انه لا يحبنا...ولا يعتبرنا الا خيال

في غيابه نسئل عنه ...وان غبنا لا يسئل عنا

هل حقا نتخلى عنه

لا ادري !!!

والحين انت او انتي بعد ما قريتوا الموضوع هل

راح تكونون صريحين

ولا بتسكتون وراح تتسائلون وتقولون ما تدرون !!!!!!

أيهما أهـــم بحياااتك كرامتك أم قلبك؟

يعطيك العافيه Danah

على الموووووضوع الرائع من أنساانه رائعه ..... تقبلي تحياااتي مطفي الشمعه بالدمعه

[b]الموضوـوع رائع جدأ

[النفس طآبت( قلبي )اليوم ينعيك ..
في حبك اللي مات إقبل عزآتي

لاهنتي على الخواطر مميزه جدا

احــتـــرامى:نجوم حائره

اما نتفاهم ولا قلنا مقادير
ما يستمر شوق (ن) وحب و قطوعي

صـــــــــح لسانك وعــــــــلا شانك

Danah دمتِ

بحفظ الرحمن

تاريخ التسجيل : 19/02/2010 عدد المساهمات : 5936

ماكنت أظن قصدك بحبك تذلني
ذليتني من بعد مامت انا فيك

يعطيك العافيه Danahقصيده جميله
وصح لسانك

تقبلي مروري وشكرا

» باسل العزيز _ الخيانة 2011
» [size=24]الخيانة[/size]