السلام عليكم
صخريه طرت علي
وجابتها حروف الكيبورد
ياقلبـي ياكبـر بلـوة مصابـك
ويا زين الصبر مع حضرة جنابك
تجيك من المصايـب والبـلاوي
وعدوك من سبب صبرك غدا بك
على طبعك بيبقـى هـذا طبعـك
ولا تخيّب هقاوي من هقـا بـك
بعد ما كنـت رمـز للحبايـب
طواري البعد هي اكبر مصابـك
معك ياللي نويـت تغيـب عنـي
تعاتبنـي وتجرحنـي بعتـابـك
اقول انت الغلـط منـك حبيبـي
وعنادك في عيون الحب عابـك
بروق الحزن لاحت فـوق داري
وصبّت يا حبيبي مـن سحابـك
سؤالي يابعـد روحـي وحالـي
تعب ينطر من الضيقـه جوابـك
اذا رايـح مطـول فـي غيابـك
اخذ شعري مادام الشعـر جابـك
مابيه يكون عنـدي لـو دقيقـه
اخـاف انـه يسرّينـي لبابـك
واخاف انه يكون اكبر فضيحـه
لأنـه صـار للعـالـم كتـابـك
ولا تنسى معك قلبـي ونبضـه
اخذ قلبي تـرى قلبـي شقابـك
اخذهـم وانـا بكـون متطمـن
يصبّرهم حنينـي مـن عذابـك
واذا للحيـن تعشقنـي حبيبـي
طلبتك .. لا تطول فـي غيابـك
![[ طـلـبـتـك لا تطـول فـي غيــابــك ] .. ! Empty](https://2img.net/i/empty.gif)
موضوع: [ طـلـبـتـك لا تطـول فـي غيــابــك ] .. ! ![[ طـلـبـتـك لا تطـول فـي غيــابــك ] .. ! I_icon_minitime](https://2img.net/s/t/16/40/44/i_icon_minitime.gif){kind=icon}
الإثنين يونيو 14, 2010 10:32 pm
