قصيده لشاعر : عبد الله بن عبار

قال عبد الله بن عبار هذه القصيدة المربعة من شعر النصائح والحكمة

سر يا قلم وأكتب قـوافـي صـريحـه أمـثـال مـن نـفحـات فيض القريحـة

مـني هـديـة لـلـنشـامـى نـصـيـحــة ولا نلفض المعنا على غير مقصود‏

مقصـود قـولي يـدركـه كـل واعــي صغـت المعاني من صميم أنطباعي

والنصح لقلـوب الـفهـايـم متـاعــي وبعض العـرب تلقا ضمايرهم رقود

رقـود مـا يـدرون عـن كـل خـافـــي مثـل الدبش لاهين يـا الـلـه أتكافـي ‏

بعض العـرب عاقـه وفيهم سنـافـي عقب التجارب يظهر الفرق والرود

الرود واضح بيـن كـل الـرجـاجـيـل من دور نوح وهم صناف وتشاكيل

فـيهـم قـروم من النـوادر مشاكـيــل وتلقابـهـم أيضـاً هـلابـيـج وعـرود

عرود الرجال نحوس لوهم قرايبـك ما منـهـم الـلي لـو نصيتـه أيشببـك

الـلاش لا جـيـتـه يـقصـّر بـواجـبـك الخـايـب الهـلـبـاج مـا عـنه منشود ‏

منشـود عـن الـلـي يـبـرك إحسـانـه راعـي الـمـروة والصخى والأمانـه

وبعـض الرجال الـلي طويـل لسانـه هــذار مـا يـدرى مـلامـة ومـنـقـود

مـنقـود مهـروج العـرب مـا يـهـمـه ريـح الـفـتيـل المحـتـرق مـا يشمـه

لـو تـمــدح الـهـلبـاج عــدك تـذمــه حـاضر ولا عده مع الناس موجـود

مـوجـود لكـن مـا تـحس بــوجــوده يـمـشي بـتـوجـيـه المـدام وتـقـوده

ومـن شذ وأبعد عن موارث جـدوده أنـا أشهـد أنـه تايـه الـرأي مقـرود‏

مقرود والمقرود يدحم على الحيـف وأظـن ما دنياه جت له على الكيف

يرجع عن النوهات ندمان وامعيـف مـن حيـث ما كـل المماشي بها فود

الـفـود فـود الـلي يحـوش الجمـايـل والأجــر وعـلـوم الـفخـر والنفـايـل

والـلي بمـالـه مـا كسـب عـلم طايـل يجــني بجمع المال حسرات ولهود ‏

لهـود الشقـا ما غـير هـم ودواكيـك لاشـك يا مـن تسمع القـول أوصيـك

تـرى الكداد الـلي طـرافـه مشاويـك مـا ظـنـتي يـثمـر رياحـيـن وأورود

ورود الربيع اللي بروس الجـذايـب يـنفـح شـذاهـا مـع نسيـم الهـبايـب

هـد وتـوقـع لا تـطـيـح بـنـشــايـــب ومـن راد صيد الناس لابـد مصيود

مصـيـود بـشبـوك الحبـايـل تصيـده يـا الـلي تـدورون الحـياة السعـيـدة

نـصـيـحـتـي تـمـسـكـوا بـالـعـقـيـدة مـا غـيـر ربـي لـلمخـالـيـق معـبـود

معبـود ربـي عـالم الجهـر والغـيـب يا العبد خف ربك وجنب عن العيب

عليك بالتقوى مع الصدق والـطيـب أتعب على الإحسان والبذل والجود

الـجـود يـبـقـا لـك عـلى مـر الأدوار عـلـم الكـرم يرفع بعـيديـن الأذكـار ‏

والـلي يـبي تطبيق منهج هـل الكار يـبـذل على كسب الجمالات مجهود

مجهـود يبغـي منـه أجـر وغـنيـمـه ومن لا أجتهـد ماله مع الناس قيمه ‏

والطيب الـلي بـه شهـامـة وشيـمـه لابـد يـأتـونـه هــواشــيـل وأوفــود

وفود الرجال اللي تجي لـه مساييـر تلقـا الـونـاسة والـدلال الـمبـاهـيـر

عـوايـد الـطيـب تـجـيـه الخطاطـيـر ولا الردي بابه عن الضيف مـردود

مردود بـابـه ما تجـي لـه ولا جـاك أبعـد عـن الخـايـب ويرزقـك مـولاك

حذراك لا تلجـأ عـلى النذل حـذراك لو جيـت لـه ترجع مع أثرك مطرود ‏

مطـرود من يطـردك لا تـلتجـي لــه خـل العـمـيـل الـلي يـناكـر عـمـيـلـه‏

اللاش ما عـنـده لـك الـلـه وسـيـلـه وشعـاد لو جيته من الوقت مسرود ‏

مسرود مـن غبـن الليـالـي والأيــام لا تزبـن الخايـب ولـو كنـت منظـام ‏

أزبن عـلى الطيب تجد عـز وأكـرام كان أنت تبغـي جـاه أو مال وأنقـود

‏ نـقـود الرجل عـنـد اللوازم ذخيـره تغـني عـن ضعاف النفوس الحقيره ‏

والـعـبـد لابــد الـمـنـيـة مـصـيــــره مثواه في جـوف الثـرى قوت للدود

الدود ينهـش مـن عريض الثـنـادي مـار البخـيـت الـلي لمـمشـاه قـادي

أدى الفـروض وطـاع رب العـبادي وانجـاه ربـه يـوم شـاهـد ومشهـود

مـشـهـود مـا يـجــتـاز مـثـقـال ذره مـا يـعــملـه يـلـقـاه خـيـره وشـــره

وأفطـن تـرى الـدنيـا الدنـيـه مغـره دار الـفـنـاء والآخـرة خلـد وخـلـود

خـلـود بـالجـنـة وتـنـعـم مع الحـور للمحسنين وصاحـب الشـر مقهـور

الـظلـم ظلمـاء داجـيـه مـا بهـا نـور والشرع نـور الحق والهرج ماكود

ما كود قولي وأفهم القصد يا صاح أعـرض مجـال وصار للهرج ميلاح

سولـف وخلـك معـشرانـي ومــزاح والمزح لـه قانون وأسلوب وحدود

حــدود تــوقــف دونــهــا لا تــعـــدّا ولــو تــردى صــاحــبــك لا تـــردا ‏

وأحـلم إلـى شفـت الرفـيـق أيـتحدا وأن كنت مخطي فعتذرله عن الزود

الـزود فـي حـق الـقـرابـه جـنـايـــه ولا خـيـر بـا الـلي مـا يـقـديـه رايـه

ومن لا رجع بـالحق مخطي وتـايـه ومـن لا يعـرف الحق ينقاد لـه قـود

قود الصعب يخزم مع الخشم بخزام حتى يغدي طبعه على خير ما يرام ‏

الـلـه حسيب اللاش مـن بـد الأزلام شين المهاجـي منطقه تقـل عبـرود

عبـرود يـردا الـلي قصيره أذراعـه لا هـو كريم ولا من أهـل الشجاعـه ‏

وبالضيق مـا تركن عليـه الجماعـه يـدبـر وكـنـه مـع عـلابـيـه مجـبـود‏

مجـبـود بالـلازم هـضايـم ضلوعــه هـلـبـاج مـا يـدرى لـوايـم أربـوعـه ‏

كـبـه عـسى غـبـر الليـالـي تلوعــه حـاضـر وكـنـه خايـب السـد مفقـود

مـفـقـود بـالـدنـيـا حـيـاتـه حـسـافـه وش عـاد لو زوله حسين المشافه

أركن على الـلي يـقطعـون المسافـه قـرم الرجال الـلي مثل فعل صاهود

صاهود يـذخـر باللقـا وقـت الأكوان مشهود فعله من صماصيم شجعان

ولا الـردي والـلاش والنـذل كوبـان مـن يصنع المعروف لاقوه بصدود

صدود الفتى عن واجبه غير مقبول لا صـار مالـه مع هل الفعل مفعول ‏

وأن كان فعـله خاب مـا ينفع القـول وش عاد لو يعطي مواثيق وعهود ‏

عهود الرجل با اللي نطق به لسانه ولا كــل مـن ودع يـحـفـظ الأمـانــه

بعـض الرجال أهـل الـردا والخيانـه سـود القلـوب قلوبهم غـل وأحقـود

حقود الضماير تجلب الشروالغيض وتـودع مـواليـف الأحـبه مباغيض ‏

عليـك بالحكمـة قبـل يطفـح الفيض حيث أن ثورات الغضب ملح بارود

بارود مـن ملفاضهـا تذهـب الروح يـوم العـرب مـا بيـن ذابـح ومذبوح

يـجـرهـا من مقـرد النـاس مكبـوح وتـبلا بـهـا نـاس حـلاحيـل وحـيـود

حيود القروم الـلي صناديد وأبطـال ذخرك إلـى حدك لـزوم أشهب اللال ‏

ما يذخرون المـال والجهـد والحـال والمرجله مثـل الجبـل رقيها سنـود

سنـود الشوامخ بـيـدت من رقـاهـا ومـن صكـتـه سـود الليالـي نصـاهـا

إلـى هـبـت النـكـبـا نـلـوذ بـذراهــا واليـوم دنـيانـا بهـا سهـود ومـهـود‏

مهـود فـي ظـل الرجـال الشغـاميـم سـور البلاد الـلي جلـوا واقع الظيـم

مـن أعـتـدل يـلقـا كرامـه وتكـريـم ومن أنعـوج يحنا له السيف مجرود

مجرود سيف أهل الفخر والعـدالـه والنصر يوهـب مـن عزيـز الجلالـه

وكسب المراجـل ما تجـي بالحيالـه مـا حـاشهـا لـكـود مـن ينطـح الكـود ‏

الـكـود كـايـد مسـلـكـه بـه خـطـوره يـقـدر عـليـه الـلي طويلـه أشبـوره ‏

ولا الـردي مـا فـاد عـنـد الضـروره دايـم مغضلـم ناظـره تـقـل مفصـود

مفصود مـن كثر التعنكض حجاجـه يـنـفـخ وكـبـرالـزوم غـيـّر مـزاجــه ‏

وكان القطامي صار فـرخـه دجاجـه ما فـاد من هو بالمفاخر له أجـدود

جـدود بـهــم يـفخـر ويذكـر جـدوده كانـه تـبعهـم فـي خصـال محـمـوده

أفـخـر وحـقـران الـبـشـر لا تـعـوده بـك عيب والعالم لها قـلوب وكبـود ‏

كـبـود تـجـزع مـن كـلام الـمـهـازي ومـن درت بـه عايـز لقابك مخازي

كـب الضلال وخـل عـقـلـك عـزازي لابـد مـن دار النـكـد صـار مـنكــود

منكـود وأسبـاب النكـد مـن أخلاقــه مالـه حشيـمـه عــنـد كـل الـرفـاقـه ‏

لـكـن كـثـيـر الـمـال لـو كـان عـاقــه يفـوز والدنـيا بهـا حظوظ وسعـود

سعود الرجل تسترعلى فعله الشين وينعـد مـن ضمن الرجـال المسمين ‏

واللي أعتلاه العـوز والفقـر والدين ما يدرك الطولات من كـان مضهود

مضهـود كانه جاك مغـرم ومـديـون حـده زمانـه وأنجبـر يطلـب العـون ‏

أجهـد تنال الطيب والرزق مظمـون والحمل ما شاله من الحشو مفرود

مفرود ما هـو مـن الـزمول المنيبـه يـضـرب مـثـل لـلـي تـردى نصيبـه

الطـيـب كـايـد والـمـراجـل صعـيـبـه ولابد ما بيض السنين تغـدي سـود

السـود لـو قصرت ترفـع لـطـاريــك أبـذل وربـك سامك العـرش يغـنيـك ‏

وبـالأجـر خلاق الخلايـق يــجـازيـك مـن نال خير بغبطة الناس محسود

محسود مـن يـدرك صعيـب المنالـي يحسد عـلى المنصب ونيل المعالي

والعـز الأقعس في صعـول الرجالي إلى صار ربعـك كنهم شامخ الطـود

الطـود شـامـخ بـالـمـلازيـم يـاقــاك ربعـك يعـزونـك إلـى عمست أريـاك

ومـن دون ربعـك كـل هافي توطـاك لو كان قـلبك من صماصيم جلمـود

جلمود مـن قاسي الصخر ما يـليني لاشـك كـان السـاس مـا هـو متيـني

ينهـار بـك كنـه عـلى جـرف طيـني وتصبح شخانيبه مـثـل ناعـم اليـود‏

اليـود لـو يعـرض عـلى الطـل ذابـه حيـثـه كمـا الرعـديـد يـوم المجابـه

أحـذر عـدوك لـو ضحـك لـك بـنابـه من يأمـن الحـيـة بـالأنـيـاب ملغـود

ملغـود في سـم مصـبـه مـن الـنـاب يلكع بـطيات الحشى تـقـل مشهـاب

ويغوص بعـروق الجوارح إلى ذاب منجل يحش الـروح للعمـر حاصود

حاصود في منجـل يحش المعـاليـق أحـذر عـدوك لـو عـطاك المـواثيـق

أرق وتـنزه فـوق روس الشواهيـق الحـر طبعـه بالعـلا يصعـد صعــود

صعـود العـلا يرفع مقامك ومنـزلـك وتـرى حـواسيـدك تحـاول تجاهلـك

وترى العدو في كل فرصه أيحاولـك لا تأمنـه وش عاد لـو قـال ماعـود

مـاعـود لـو قـالـه عـلى غـير ثـابــه أحذر منه يا صاح وأحسب حسابـه

ومـن لا كسب طولات بـأول شبـابـه لا شاب ما يقطف من المجد عنقود

عـنقـود بـستـان الـفخـر بــه مـراره كـلـن بـغــاه وحـال دونــه أجــداره

والمـرجـلـه تحتـاج صبـر وشطـاره يـطـولهـا مـن كـان صابـر وكـادود

‏ كـادود يـسعـى بـالـبـلاد الـوسيعــة يـكسـب حـلال بـمـشتـراه ومبـيـعـه‏

يقـتـات من جـهـده ويشكـر صنيعـه مشموخ عـزة كنـه القصـر مشيـود

مشيود صباتـه عـلى صلب سيسان ولا نلفـظ المنطوق من غير برهـان

وهذي سوات الناس أجناس وألوان ثعـالب وسنجـاب وانمـور وافهـود ‏

فـهـود وذيـابـه وتـلـقـابـهـا بسـاس مـن خلقت العالـم تشاكيل وأجنـاس ‏

تلقـابهـا الـلي سمعـتـه ترفع الراس وتـلقـا بـليـد وبـارد الـوجـه بلهـود

بـلهـوداً أبـلـه مـا أيـشـاور ولا شار ولا ينصي وقـت اللزم طافـي النـار

وأحـذر من الأحمـق وداره إلـى ثـار بالخص كانه من هل الخبث مزنود ‏

مـزنـود مـن قدحت عـدوه صديـقـه الـلـي تعـاوج مـا يعـرف الحـقـيـقـه ‏

يـوذي جلـيـسـه وأيـتـحـدا رفـيـقــه ولـو تنصحه عن الخطأ جاك هادود ‏

‏ هـادود فـي عـقلـه هبـال وغشامـه يـزوم مـن غـيضـه قـليـل الفهـامـه‏

مـنـطـوق هـرجـه مـا يـميـّز كلامـه يــزداد شــره كــل مـا هــوّد الهــود

الهـود فـات وزال عـصـر الجهـالـه بـالله نعـوذ مـن الـغـوى والضـلالـه

يا خالـق المخـلـوق تـلطـف بحـالـه يا رب ثـبـتـنـا عـلى الحـق بصمـود

صمود عبدك يا الولي وأنت مولاه مـا يـربـح الـلي بـاع ديــنـه بـدنيـاه

يا رب عبدك تـاب لـك عـن خطايـاه يـا رب في كـل الفرايض لك سجود

والخـاتمـه صلـوا عـلى خيـر هادي المصطـفى وضح طريـق الرشـادي ‏

أعـداد خلـق الـلـه ارواح وجمـادي واعـداد مـا دارالهـوا صافـق النـود ‏

تاريخ التسجيل : 19/02/2010 عدد المساهمات : 5936

يعطيك العافيه اسيرة الاحزان وصح لسانك ولسان شا عرها

تقبلي مروري وشكرا

هلآآ وغلآآ فيك غلآآي
تسلم على هالمروور
الله يعطيك العآآفيه
ولا عدمتك يآرب

يعطيج العافيه يالغلاااا
هذا المكان الانسب له

[b]صـــــــــــ لسانك ـــــــ ولســـان ـــــــــح شاعرهـ

صح لسانج ولسان الشاعر الكبير والاديب شاعر عنزه عبدالله بن دهيمش بن عبار الفدعاني العنزي
تحياتي لج تدلل

عـوايـد الـطيـب تـجـيـه الخطاطـيـر ولا الردي بابه عن الضيف مـردود

مردود بـابـه ما تجـي لـه ولا جـاك أبعـد عـن الخـايـب ويرزقـك مـولاك

شكرا جزيلا لج على روعة الطرح إنتقاء كالعادة
متميز فريد من نوعه القصيدة طويلة جدا جدا ولكن
ذات معاني وقيم رائعة للأمام دايم لكي تحياتي وخالص
شكري

تحياتي:نوره

الـــــــــف شكــــر لكل من مـــر هنا...
نورتــــــووو صفحاتي..

هلآآ وغلآآ فيك غلآآي
تسلم على هالمروور
الله يعطيك العآآفيه
ولا عدمتك يآرب

» سئمت الانتظار ... لشاعر نزار قباني
» قصيدة بمناسبة سلامة خادم الحرمين الشريفين الملك عبد الله بن عبد العزيز – حفظه الله
» حسبي الله ونعم الوكيل لعنهم الله
» الفرق الخطير بينا انشاء الله و ان شاء الله
» فـي آمآن الله رووح الله معآك