بيت يتيم : -
كتبت القصيد لخاطرك ... واسأل الابيات
في كم فكرة كانـت لغيـرك واكنسلهـا
ليه الغياب اللي له شهور وسنيـن
وليه المشاعر في ضميري تصبك
وليه الدموع اللي على خدي تبيـن
وليه القصايد ما تفكـر .. تكبـك
يا غايب ان طول غيابك على وين
لا يطول غيابك علي .. خاف ربك
وش اللي باقي من غياب المحبين
سوا الطعون اللي بقلـب يحبـك
جيت المكان اللي جيته بأول سنيني
قبل الوداع اللي عشنا فيه وضيعنـا
ذكرت فيه الليالـي ودمّعـت عينـي
وذكرت يومه فـرح فينـا وبايعنـا
على الغلا والوفا وحب سكن فينـي
وطلب من الحب لا يجرح مدامعنـا
قال انت لك مـدة لحالـك تجينـي
مستغرب جيّتي .. ليه ما تجمعنا ؟
وسألني شاللي حصل ما بينك وبيني
جاوبته وقلت له : حنا ( توادعنا ) !
مدري من ظروف .. المحبه والاحزان
ولا من اعذار .. تجـي دون عـذري
انا صحيح اني معك .. كنـت غلطـان
يوم اعترف لك .. وانت ما كنت تدري
عن غيبتك .. لا من غدى القلب ولهان
وعن حبك اللي كاتبه وسـط شعـري
تبي دليل ان قلبـي ماهـوب طربـان
ما غير جالس في غيابـك ويهـذري !
الحب ظالم .. ونبض الاحبـاب مظلـوم
لا من حكـمّ ! كنسـل جميـع المبـادي
هذا نتـاج مفارقـك .. ضيـق وهمـوم
همومي ملح الجـرح .. والضيـق زادي
كم لي وانا أخبـيّ عـن العالـم علـوم
اخاف .. مـن فرحـة عـذول معـادي
ولا انت لو فارقت .. مـا يلحقـك لـوم
لأن المفارق صايـر .. شـي عـادي
والحب لو قلبـي غـدى منـه محـروم
اللـي حصـل يفـرض علـي إبتعـادي
انـا قنعـت انـه مـقـدر ومقـسـوم
وطول الزمان اللي مضى .. كنت غادي !
الشعر وافي .. وانا ما شانت اطباعي
ياللي طلبت اعتذر واقبـل معاذيـرك
صحيح ضاع الغلا ! والقلب ما ضاعي
حتى لو انـه كـرّه فعلـك وتفكيـرك
صارت حكاية غرامك .. مالها داعـي
لا تعتذر .. وانت عذرك مثل تبريرك
بعد غيابك بخير .. وزانت أوضاعـي
فتحت باب المحبه .. لواحد غيـرك
حتى لو انه يهمـك اكتـب اشعـاري
قصيدتي في عيونـك كيـف اكملهـا ؟
وانا لو اني حفظتك .. ضمن الاسراري
مشاعري فـي جمالـك مـن يـحللها
انا اعتذر من جمالك .. تاهت أفكـاري
حاولت اكمل .. ولكن قلت : اكنسلهـا
قصيدتي قدمـت لعيونـك .. اعـذاري
أسمك .. يكفـيّ قصيدتنـا ويجملهـا
أبيـــات قــديـمــه
أحتجت وصلك وشوفك .. وأجمل سنيني
وأشتقت اعدّ القصيد .. اللـي تغنينـه
ما كنـت اصـدق ابـد انتـي تخلينـي
يمكن نسيتـي الكـلام اللـي تقولينـه
كنتي تقولين مـا عمـرك .. تركتينـي
والحين راح الغـرام وراحـت سنينـه
وانا ادري انك .. رغم بعـدك تحبينـي
وفي كل لحظـه تمـرّ حبـي تطرّينـه
ليه أتعـذرّ بعـد شفتـك .. تجافينـي
واعرف سبب .. هالغياب اللي تعذرينه
واليا نشدتـي بعدهـا وينـك و وينـي
جربت طعم الفـراق ! اللـي تحاتينـه
صحيح احبك .. ولكن ضاعت سنينـي
ورا سـراب طعـن قلبـي بسكيـنـه
خلـي ظروفـك تحـدك .. لا تنادينـي
والقلب في جيّتـك مـا عـاد تغرينـه
بين الدموع وحزني .. شي إزدواجي
وبين اللقاء وحلـم المحبـه تنافـر
ياللي وصلك طب قلبي .. وعلاجـي
ما تدري ان البعد .. طاغي وكافر !
من السما ما لاح برق المواصـل
ولا نزل غيث المشاعر على القاع
لا تحدد نقاط الوصـل والفواصـل
والحب شي ماهو يشرا وينبـاع
انت اقتنعت ان الغلا كان واصـل
على حدود القلب يا عذب الاطباع
وانا اقتنعت ان الجفا شي حاصـل
وحلمي غفى بين الليالي والاوضاع
انا حملت القناعه كنـز فـي كفـي
والكف الآخر حملت مواجه فراقـك
من عقب كانت عيونك غايتي وشفي
الحين ماعاد تغري شوفت احداقـك
أبيـــات قــديمـــه
هزيت غصن المفارق ..طارت طيوره
في ليل حزني وتقصيـرك وحرمانـي
قصة هوانا غـدت للنـاس مشهـوره
ما بين الاصحاب وخلانـك وخلانـي
على الحزن والتعب منتـي بمجبـوره
بعد رحلتي وتركتي القلـب وحدانـي
والشاعر اللي في بعدك يبسْ حنجوره
يا ليت ربي خلق لـه واحـد ثانـي
ما عاد باقي سـوا لا ضيّـع شعـوره
الا تشوفه مـع الضيقـه والاحزانـي
عن كل شي ٍ حصل .. دمتي ومشكوره
اللوم كله علي .. وانا اللـي غلطانـي
موضوع: خـــــــــواطــــــــــر ؟ 
الأحد يوليو 11, 2010 10:05 am
