السلام عليكم
للتواصل
تخنقني العبره وانا مـا تكلمـت
كل ما ذكرت ان الجفا ما يهونـي
سلمت لك روحي وقلبي وسلمـت
دمعة غلا من غيبتك في جفونـي
لا مرني طيفك صبرت وتحزمـت
بالشوق والذكرى وطيبة ظنونـي
بعد غيابك يالغـلا وش تعلمـت
غير القصيد اللي يحرك شجونـي
وجه الزمن ياما عشانـه تألمـت
اكبر دليل ان الحزن في لحونـي
خلك معي وانا لجرحـه تولمـت
واصبر علي لو حال دونك ودوني
فلّ المعاتب وانا بلزم لك الصمت
والعن جميع اللي لهجرك خذوني
لأني بعد ما غبت عنـك تندمـت
على الغياب اللي يـزود طعونـي
في ليلة فراقك ضحكت وتبسمـت
وحاولت أخبي دمعة في عيوني !
وســـــــــــلامـــتـــكــم
اخوكم طلال العازمي
موضوع: (( ضـحــكــت وتـبـســمــت )) ! 
الخميس يوليو 15, 2010 3:23 pm
