السلام عليكم
ما نذخر شي عن المنتدى تقبلوها كما كتبت
يفز الشعور اللـي بصـدري علـى لامـاك
وانا العاشق اللـي طيبتـه تكشـف عيوبـه
علامـك بعـد درب الغـلا جيتـه وحيـاك
تغيب وبعـد غيبتـك مـا تلتفـت صوبـه
خـذاك السفـر منـي علـى بعـدنـا وداك
ونفسك على طاري السفر ماهـي مغصوبـه
قبل كنت اغيب ولكن ارجـع علـى ذكـراك
اشيل القصايـد والغـزل عـارف اسلوبـه
حبيبـي وانـا اللـي تعجبـه طلـة محيـاك
ليـال المفـارق ماهـي للنـاس محبـوبـه
تـرى كـل دار جيتهـا يالغـلا تـفـداك
بعد صـار صيفـك للمحـب اكبـر عقوبـه
غيابك لو يطـول ، انـا اعشقـك واهـواك
ابصبـر وصبـري يالغـلا لابـس ثوبـه
صحيح انت مخطي وانا ما عاد احسب اخطاك
بنيت الهـوى طوبـه معـك فوقهـا طوبـه
لو الشوق يطغي بي على زولـك وطريـاك
غيابك صعـب والشـوق ماجـاك مندوبـه
يا ليتك كسرت البعـد كـان الهجـر خـلاك
ويا ليتـك عرفـت ان المواعيـد مطلوبـه
لو انك تشيـل مـن الغـلا فالسفـر ويـاك
ثلاثـة ليالـي وانـت راجـع مـن دروبـه
عسى الله في غيبتك يـا صاحبـي يرعـاك
وعسى الله يصبرنـي والاعمـار محسوبـه
ترد بسلامـه وخيـر ياللـي علـى معنـاك
كتبت الشعـر عنـده و وفيّـت ماجوبـه !
وســـــــــــــلامـــــــــتـــــــــكـــــم
تحياتي لكم اخوكم طلال العازمي
(تـــــــــــــــدلـــــــــــل)
موضوع: لو انك تشيـل مـن الغـلا فالسفـر ويـاك....ثلاثـة ليالـي وانـت راجـع مـن دروبـه 
الأحد يوليو 18, 2010 8:55 pm
