ما هو كفو الوقت حبك يمحيه يالي تخاف صروف الأيام تمحاه

ما هو كفو الوقت حبك يمحيه
يالي تخاف صروف الأيام تمحاه

ارتاح دام أن المواصل يقويه
أنت أنت وأنا أنا وقلبي هو إياه

حتى لو بتغيب ذكراك تكفيه
ياواحداً تكفي عن الناس ذكراه


حبك على رمله خفوقي مواطيه
ورياح عذلي عنك ما تسمح خطاه

والي يعذل القلب عن درب غاليه
والله بما يبلا المواليف يبلاه

أخفيه يابالفيت والحال يبديه
ادناة واحد ينظر الحال يقراه

مخفيه فيه ومعتني به وحاميه
من كل عين ودها تنزل حماه

قلب يحبك وهوى الذرب ماليه
كنك كذبني؟؟ بعينك تحلاه

شرطً تشوفك فيه منت بجواليه
ويمكن تشوف ديار وأماكن أرعاه

وبتشوف به تمثال والوقت هاريه
وبتشوف ذرع ٍ ميت وواقفٍ ماه




وبتشوف جرح ٍ فيه سكين راعيه
راح ونسى السكين والجرح ينخاه

وبتشوف حصن ٍ عج الأقدار سافيه
وبتشوف باقي بيت راعيه خلاه

لا تنزعج هذا خفوقي وباقيه
ولا تضايق من تصدع زواياه

قد زلزله فرقا وهزة عروايه
والله ستر والحظ عانه وعافاه

وان كان صلح لك وأعجبك وزيد تبنيه
ابنه وجهز للمقابيل مبناه

أبغيك بس من المفارق تداريه
وازهل من يداري شعورك و يداريه

وحلل وحرم فيه يبرك بلاويه
وحله وراع أرضاي وراضاك وأرضاه

جعلك بعد بعض الوجيه امحق وجيه
ناس مره تحرى فيك وتقفاه

أنواع واخطر نوع ما ني بناسيه
نوعً على تفريق الاثنين مسعاه

تلقاه دوم وكل يوم تلاقيه
ولا بغيت اصد ماعاد تلقاه

ولا أنت ردك كل مدعيك لبيه
انا اشهد منت بعيني أشباه
منت مع العالم ولا تقولي ليه
أنت ادرا مني وش جوابي وش أحواه

كذيه من الله و يا زين و ليه
وأغلى طروش القلب دواه من داه

الحلم يأتيني بزولك وأراعيه
وفي كل حلم أقوم قبل لا أتحفاه

وأعشق سميك في البزارين وادعيه
واقبل خطاه إذا أخطا واتلاقاه

واسمك يروعني إذا مر طاريه
واحب ملقوف يسولف وطراه

وأمر بيتك من بعيد ولا اجيه
وأنا لو انه في يدي ما أتعداه

حتى تواير موتري تلتفت فيه
تبغي تلف ويستحي العقل والجاه

وصلك يخيط الصدر والبعد يفريه
ويابري حالي كان صديت بلاياه

ولي على ادري حبً وش تاليه
وويلي على ادري وش ورى الغيب ويلاه

عشان أشوف إذا محبتك ترفيه
والله لاقفي عنك واستغفر الله

اختكم
~ غـريـب احـساسـكـ~{سوسو

صـح بدنك..
ويعافيك ربي

صـــــــح لسانك

ويعطيكي الف عافية


مع احلى تحياتي .....


دكتــــــــور القلوب.....

صح بدنك..
يسلمو ع اضاءتكم للموضوع

حبك على رمله خفوقي مواطيه
ورياح عذلي عنك ما تسمح خطاه

والي يعذل القلب عن درب غاليه
والله بما يبلا المواليف يبلاه


يعطيك العافيه غريب احساسك وصح لسانك
رررررررائع قصيده مميز دائما مميزه في مواضيعك

فلــــــــكى كــــــل معاني المديح فهي قليلة في حقــــك,,, سلمـــــــــت يدااااااااااااااك,,,

واشكرك شكر خاصــ لكى على القصيده رائعه وبنتظار جديدكـ

تقبلي مروري وشكرا

مشكور بوتميم ع تواجدك