بــــسم الله الرحمـــــــــن الرحــــــــــيم
الســـــلام عليـــــكم و رحمـــــة الله و بــركــــاتــه
صــباحـــكم \ مســــاكــــم:بخــــير
قصــــيده جديـــده و علـــــى بحـــــر جديـــــد على امــــل ان تــنال علـــى اعجــــابـــكم
مــــاطـــول عليــــــــكمـــ
هاجسي ما قـام للهزلـه ولا جاهـا مجالـي
لو تسلم من شموخه مـا يـرد لهـا سلامـه
يجتهد ويغـوص فالغبـه وياتـي بالجزالـي
ما يقوم الا لهـن وان قـام عـز الله مقامـه
جابك الله ياللي منك عشت في ضيق الليالـي
ويوم مات القلب عزينا المشاعر فـي غرامـه
كنت تطلب من غيابي بس ساعه في وصالـي
وكنت عايش في ربيع القلب وعيونـك هيامـه
لين شبعتك مواصـل والكـلام اللـي بقالـي
ليتني ما اسرفت فوصالك ولا ذقـت الندامـه
وش طرى من فعلتك مافيه شي مـا طرالـي
حطني وقتي جريح وللحـزن فينـي علامـه
ليه جربت الخيانه فيني مع شخـص بدالـي
وليه فزعت الخفوق الحر من غفـوة منامـه
اذبح حروف الاجابـه لا تهاونـت بسؤالـي
والاجابه ميتـه منـك ومـن رميـة سهامـه
الف شكرا يوم قلبـك راح وخلانـي لحالـي
من ضميري قلت لك شكرا على حسن اهتمامه
ما صبرت الا عشان الظن وصدور الرجالـي
كل حزن يمرها يلقـى بهـا طيـب الاقامـه
كل مقامن له مقال وجـاك فالضيقـه مقالـي
البشر تعرف مواري الشخص من منطق كلامه
وانت كلمه مـن لسانـك عيشتنّـي فانعزالـي
لو تجي وتروح عادي يـا وجـود كإنعدامـه
واللي باقي كلمة تطغى على روس الطوالـي
ما يخش الحر راسه مثـل ضيعـات النعامـه
دامها صارت كذا ماهيب فـي لحيـة جدالـي
الكرامه الكرامـه مـا بقـى غيـر الكرامـه
تحيالي لكم اخوكم طلال العازمي
موضوع: الكرامه الكرامـه مـا بقـى غيـر الكرامـه 
الإثنين نوفمبر 22, 2010 11:38 pm
