تريّث ياصدى صوتي وخفف نبـرة الأحــــزان
تعلّم من نزيف الجرح كيف اصبر على همـي
أنادي و السماء غيمـة تثـور بداخلـي بركـــــان
ودفتر من قصيد الأمس على جال البحر مرمي
سكنتك بيت ياكبره وشكلّـت أبسمـاك ألـــوان
شربتك كاس بيديني وأثاري الكـاس من سمـي
دخيلك جامل الدمعة ترى مهما أكون إنسان
مشاعر قلـب تحكينـي وأزود حبرهـا دمــــي
كرهت البيت بغيابك كرهت الباب والجــدران
ليا من شفت لك صورة تنسينـي حنـان أمــي
أبرحل وأترك الماضي وأجدد حاضر العنـوان
أبجمع من شتاتي قلب وأسافر في بحر غمـي
تصور لو نساني الكون وصرت بعالم الحرمان
أناديلك .. و أصوّت لك .. و لا حتى تلـدْ يمــــي
أمانه لو جعلتني مسافر في سمـا النسيــــــان
أمانه جاوب صوتي لجـل ما يحتـرق دمــــــي
أبي لو ساعة من وقتك أنا ما قلت أبيك أزمان
أبيك العاشق المغـرم علـى قلبـي ومهتمــــي
أبيك تعيشني قصة ! بطل خاين وأنا الخوان
أبي كل البشر تحكي وتتسابـق علـى ذمـــي
على هونك ظلام الليل أشوف الليل ماقد حــان
علامك تلوي ذراعي !! تبعثر فينـي وتلمـني
موضوع: ابيك تعيشني قصه بطل خاين وانا الخوان 
الأربعاء ديسمبر 08, 2010 12:55 am
