يــمــعــذبـي

يمعذبي طال أنتظاري وانـا أرجيـك
كنك مـع همـوم الزمـان اتحدانـي

انكـان لـك صبـرٍ قـويٍ يعزيـك
انا ترى صبري قضى مـن زمانـي

أتخيلـك واسامـرك واهتنـي فيـك
حتى خيالك صـار لـي شـي ثانـي

اناجـي الصـوره واغيـر مواريـك
واتخيـل بصورتـك كـل الأمـانـي

انسى وانا جالس معك بيـن اياديـك
وأسمع صدى صوتك لقربـك دعانـي

وأقوم من عندك وأنـا نـاوي أجيـك
كنـه خيـال وللحقيـقـه خـذانـي

بجلس معك واخاصمك وأرجع ارضيك
واعطيك من فيض الغـلا والحنانـي

بسهر معك واعيـش لحظـة تلاقيـك
مثل الغريـق انشـاف بـر الأمانـي

مدري عن عيون الملا ويـن اخفيـك
ياليـت لـك بيـن الحنايـا مكانـي

مابي مدامك حـي غيـري يراعيـك
وماابيـك تتكلـم مـع المودمـانـي

اب(اتغـلا فيـك ياعـمـر مغلـيـك
لعيـون قلباًمـن غرامـك يعـانـي

موت بضمى عندي ولانـي بساقيـك
مابيك تطفـي نـار شوقـن كوانـي

بخل على روحي ولانـي بمعطيـك
اخاف قلبـك لـو عطيتـه عطانـي








المولع الغريب \\ سايل بن لافي