جاني وأنا في وسط ربعي

جاني وأنا في وسط ربعي
من كلمات الشاعر : نمر الحربي( رحمة الله )

يقال أنه كتب هذه القصيدة رثاء لنفسه بعد أن أستيقظ فزع من نومه لرؤيته سكرات الموت

وقد توفي بعد قصيدته هذه بأيام قليلة رحمه الله

جاني وانا في وسط ربعي وناسي ******* جاني نشلني مثل ما ينشل النـــاس

مني نشل روح تشيل المآســـــــي ******* تشكي من ايام الشقى تشكي اليـاس

اثر الالم في سكره المـــوت قاسي ******* ماهالني مثله وانا انسان حـــساس

جابوا كفن ابيض مقاسه مقاســــي ******* ولفوا به الجسم المحنط مع الـراس

وشالوني اربع بالنعش ومتواســي ******* عليه ومغطى على جسمي البـــاس

وصلوا علي وكلــــــهم في مــآسي ******* ربعي ومعهم ناس من كل الاجناس

ياكيف اسوي من عقب تاج راســــــــي ******** وامي الحبيبه وش سوى بها الياس

اسمع صدى صوته يهز الرواسي ******* قولوالها لاتلطــــم الخــد ياناس

قولولها حق وتجرعت كاســـــــي ******* لاتحترق كل يبي يجرع الكـــــاس

واصبحت في قبري ولابه مواسي ******* واسمع قريع نعولهم يوم تـــــنداس

من يوم قــــــفوا حل موثق لباسي ******* وعلى رد الروح صوت بالاجراس

هـيكل غريب وقال ليه التــــــناسي ******* صوته رهيب وخلفه اثنين حـــراس

وقف وقال ان كنــت يانـمر نـاسي ******* هذي هي اعمالك تقدم بكـــــراس

ومن هول ماشفته وقف شعر راسـي ******* وانهارت اعصابي ولا ارد الانـفاس

يالــيتــني فكرت قبل انغمـاســـي ******* بالـغفله اللي منتـهاها لــلافلاس

وفزيت من نومي على صوت ناسـي ****** واصرخ واقول الموت وأحذر الناس