الضيق في صدري كسر حاجز الصمت
فــجـر براكين الكلام وحاكاني
ماطاب لي خاطر حسافه ولا نمت
كـله سبايب همي اللي خذاني
البارحه مـــليـــون مـــــره تـألمت
داويت جرح وبان لي جرح ثاني
ماهي غريبه لاانجرحت وتبسمت
دام الوفا ماله مكان وموانئ
والكلمه اللي لا طـــرت بالخفا قمت
لاجيت أبنطقها يعاند لساني
حـــــار الــكـــلام بــداخلـي ماتـكلمت
كن الكلام يزيد هم المحاني
أشيـــاء واجـــد تـــو منها تــــعلــمـت
أشره على نفسي واعاند زماني
درس الزمان حديث منه تـفـــهــــمت
ياكثر ماأخــــذ منـــي ولا أعطــــاني
أبوس راسك يازمن لــــــو تكــــرمت
كـــافــــــي ولــــك جزيـــل إمتـناني
اثـــر الكـــلام احيـــان يغتالـــه الصمت
وأثر اللسان أحيـان ماهـو لساني
موضوع: الضيق في صدري 
الأحد يناير 16, 2011 1:03 pm
