الطفوله أحلى مافي هالحياة مرحله من غير هم كنـّا دايم نبتسم كنـّا حتى لو بكينا ... وجارت الدنيا علينا بعد لحظـات وثواني بسمه فينا ترتســم
كنـّا نركض خلف كوره ... ( لا لا أنا ماكنت معهم !! ) وحدي بس بعيد عنهم ... كنت أنا أضحك عليهم جالس لحالي أهذري ... جالس أحسب كم ( كوبري ) صلـّحه ( أحمد ) في ( ماجد ) ؟؟ والله واجد!!
وقبل ما يحل الظلام للبيوت نروح نجري ... ( لا لا أنا ماكنت معهم ! ) أمشي وحدي بعيد عنهم ... أمشي وأعدد أثرهم ! وهم عني يبعدون يبعدون ... يبعدون إلا ( ماجد ) !! كان مثلي حيل ضايق ... بس حزنـي كــان حارق كان يسألني ببراءه : ... ليش تعرج ؟ ... قلت مادري ! ... باستياء ليش تبكي ؟ قلت مابكي ... بكبرياء ضاق مني ... ثم سألني في غباء ... قال ( وثرايك تـثــابق )؟؟ وراح عنــّــي ... !!
كنت أسأل دوم نفسي ... ليش ما أركض معاهم ؟!! ليش دوم أمشي وراهم ؟!! وش بلاي ؟!! ... أو وش بلاهم ؟!! ليه أنا غير الأنام ؟!! زاحمتني الأسئله... كل شيٍ أجهله ؟ وإن تعبت من الإجـــابه... أحظن الحيـــره وأنام .
مرّت سنين وكبرت ... صار همّي اليوم أكبر حتى دمعي صار أكثر للأسف توي قدرت ... أفهم إني شخص ( عاجز ) !! يعني بيني وبينكم مليون حاجـــز !!! صدقوني ذي حقيقه ... لا طلعت السوق ... كل ما أمشي دقيقه القى كل شوي أبله !! يمشي ويناظر صديقه ... ويغمز له يقول : ناظر ...!! وش يناظر ؟!! وتتفجّــر في خفوقي ألف ضيقه
ووحده في وسط الزحام .... طالعتني باهتمام ... بنت في عمر الزهور ... أي رشاقه ... وأي أناقه ... وأي عطـــور !! قلت في نفسي ياهووووه هي تناظرني بغرام ؟!! ... أو هي نظره والسلام ؟!! بس أكيد إنها تعرفني ... شايفتني ؟ شايفتني في جريده ؟ واعجبتها لي قصيده ؟ إيييييه أنا توي افتكرت لي قصيده ... كنت ناشر معها صوره بس صوره ... ياسلااااا م وفاجأتني ... لمـّا صارت لي قريبه ... كانت تـتمـتم بطيبه { يـكـسـر الخاطــر حـــرااااام ) !!!!! وتركت دمعه غريبة ... وضاعت بوسط الزحــام دمعه كانت تحكي وضعي ... زلزلتني ارتطم قلبي بضلعي ... دمرتني صدقوني ... أصعب اللحظــات وأقسى لاغدا الرجـّــــال يكسر ... خاطر انثى كيف ينسى ؟؟؟ جاوبوني !! .... وزاد همّــي ... يوم فكــّـرت بوظيفه ... ثم زواج أي وظيفه ... وأي زواج ؟؟ اللــي مثـلي ... مهما طالب ... لويلف ولو يدور زين لو حطـــّــوه كــاتب لا ... وعلى بنــد الأجـــــــور .... ماهو رسمي !!!
صدقوني لو تدرّج ... وصار راتبه ايتصاعد وابتــدا وضعه يزين ما أظنه بيتزوّج ... حتى لو بعد التقاعد !!
وفي النهــايه ... يابلــدنا... مهما كانت ( تسميتـنا ) عاجزين ... ( معوّقين ) لك عهدنا ... وذا قسمنا : أقسم بالله العظيم ... منزل الذكر الحكيم أن أصونــك يابلادي ... من شرور العابثين من مطامع كل حاسد ... من نوايا كل فاســد وإني لك حصنٍ حصين إنتي ناديني وشوفي ... لا نويتي بالجهــاد والله أقهر لك ظروفي ... دامك إنتي لي بــــلاد وباسم كل العاجزين ... دام فينا أصبع يطول الزنـــاد لا يهمــّـك يابلادي ... وازهليهــا
الله يزيل همه ويساعده اتمنى تكون عجبتكم
منقول
بوتميم
تاريخ التسجيل : 19/02/2010عدد المساهمات : 5936
موضوع: رد: اجمل خاطره بقلم عاجز (( معاق )) .. الجمعة فبراير 18, 2011 11:34 pm
يعطيك العافيه اسيرة الاحزان كلام جدا قوي الله يكون في عونه ويشفي كل مريض سلمت يمناك على هذا النقل ... لاخلا ولاعدم من آختيارك.تقبلي مروري وشكرا
نجوم حائره
العمر : 38تاريخ التسجيل : 05/08/2009عدد المساهمات : 5341
موضوع: رد: اجمل خاطره بقلم عاجز (( معاق )) .. السبت فبراير 19, 2011 2:28 am
EMaN
تاريخ التسجيل : 13/01/2011عدد المساهمات : 2090الموقع : K S A
موضوع: رد: اجمل خاطره بقلم عاجز (( معاق )) .. السبت فبراير 19, 2011 6:06 am
\\
فـــــــ*ـــــــرح
العمر : 32تاريخ التسجيل : 18/09/2009عدد المساهمات : 3601
موضوع: رد: اجمل خاطره بقلم عاجز (( معاق )) .. الأحد فبراير 20, 2011 12:25 am
روووعه
اسيرة الاحزان
العمر : 34تاريخ التسجيل : 14/06/2010عدد المساهمات : 2277
موضوع: رد: اجمل خاطره بقلم عاجز (( معاق )) .. الأحد فبراير 20, 2011 1:07 am
بوتميم كتب:
يعطيك العافيه اسيرة الاحزان كلام جدا قوي الله يكون في عونه ويشفي كل مريض سلمت يمناك على هذا النقل ... لاخلا ولاعدم من آختيارك.تقبلي مروري وشكرا
هلا فيك بوتميم منور الابداع تواجدك بموضوع كل الشكر والاحترام
اسيرة الاحزان
العمر : 34تاريخ التسجيل : 14/06/2010عدد المساهمات : 2277
موضوع: رد: اجمل خاطره بقلم عاجز (( معاق )) .. الأحد فبراير 20, 2011 1:09 am
موضوع: اجمل خاطره بقلم عاجز (( معاق )) .. 
الجمعة فبراير 18, 2011 10:32 pm
