عَرَفْتْ الْحينْ وِشْ مَعْنَى أحبّك ؟

أحبّـكـ ماهـي بَـسْ كَلْمَـهْ أنـا دايــمْ أرَدْدْهــا
أحـبّــكـ كـلـمـةٍ لاقِلْـتَـهـا أقــصِــدْ مَعـانـيـهـا


صَحيـحْ إنْ الحُـروفْ شْــوَيْ إذا وِدّكـ تِعـدْدْهـا
ولـكـنّ المَعَـانـي مَاهَقِـيـتْ إنّـــكـ بْتحْصـيـهـا


وُفَـا واِخْـلاصْ وظْـروفٍ تِعَانِدْنـي وأعانـدْهـا
مشاعِـرْ صادِقَـهْ والـوِدْ ساكِـنْ فـي مَحانيهـا


غَــرامْ وشــوقْ والـغِـيـرَهْ تِـبَـدْدْنـي وابـدْدْهــا
هِيـامْ وعِشـقْ ولْحـونْ الـغَـلا للْـوَصْـلْ أغَنّيـهـا


حَنانْ يِشَتِتْ ألأوْهَـامْ عَـنَ السّرْجُـوفْ يِبْعِدْهـا
وِدَادْ وزوْبَعَـةْ هَاجِـسْ عَلَـى ذِكْـرَاكْْـ طَارِيـهـا


وِئَــامْ ونِـيّـةٍ بيْـضـا عَـــنَ الـهَـفْـوّات مِبْـعِـدْهـا
وصَراحَـهْ مِـنْ جَرَائَتْهـا بِدَى التجْريـحْ يَطْويـهـا


ولَــهْ مَجْـنـونْ لِعْيـونـكْـ حَـتّـى لَــوْ أشَاهِـدْهـا
وخَيـالٍ يَسْكِنِـهْ طيفِـكْـ وحِـلْـمٍ صـورِتِـكْـ فيـهـا



شِجونْ وتَضْحِيَةْ عُظْمَى وسوالِفْ ليلْ جَاحِدْهـا
واحَاسِيـسٍ مِثِـلْ وَبْـلْ المطَـرْ لـلْـروحْ تِحْييـهـا


ولَهْفَـةْ عاشِـقٍ لَجْـلِـكْـ عِــدودْ الـمـوتْ يـارَدْهـا
وأمَلْ لَجْلِهْ قِصَرْتْ دروبْ قِـدْ طالـتْ خَطاويهـا


حَنيـنْ وكِبْريـاءْ وغَطْرَسْـتْ عِــذّالْ أجَاهِـدْهـا
وأمـانـي تَكْـسِـرْ الهـامَـهْ ولـكِـنْ ماتِوَطّـيـهـا


عَوَاطفْ عِطْرَها عَـمْ الحَشـا والشّـوق سايِدْهـا
وعَبْـرَهْ وَسّمَـتْ خّدّيـنْ وصَـارَتْ مِـنْ مُوَاريـهـا


طَلاسِمْ مِنْ شُكوكْـ وظَنْ ونَشْوَةْ خُـوفْ أقَيّدْهـا
وثِـقَـهْ عَمْـيـا يِكَحْلـهـا الـعَـفـافْ ولا يَبَكْـيـهـا


قِضَت كِلْ الحُروف بْشَرْحْ أحبّكـ قُومْ واجْرِدْها
وَانَـا كَلمَـةْ أحبّـكـ مـا بَعَـدْ وَضّـحْـتْ خَافيـهـا


عَرَفْتْ الْحينْ وِشْ مَعْنَـى أحبّـكـ يـومْ أرَدْدْهـا
عَرَفْـتْ إنّـي أرَدْدْهـا وَانَـا قَـصْـدِي مَعانيـهـا

صح لسانكك

لاعدمنـــــــــــآإك

[b]صـَ’ـحُ..صـَ’ـ ((..لــٍﮯـسـآ‘إْ‘نــٍﮯـك..)) ـُ‘ـحَ..صـَ’ـحُ

يعطيك العافيه

تقبل مروري

صح لسااااانك روووعه