علامك تدورني بعد صار لك ما صار

ياواسم شعوري فالحزن داخل الاشعار
بعد رحت فـ غيابك على ويش تذكرني ؟


على ثقل حمل الكبت باحت لك الاسرار
وعلى كثر ما اكتم لك تصدد وتنكرني !!


جبرتك يوم انك جيتني بالغلا منهار
وانا اليوم متكسر ولا انته بـ جابرني !


اشوفك تجاهل طيبتي .. والزمن دوار
انا ما هقيت انك .. للاحزان ذاخرني


تصافق هبوب موادعك قمة الاشجار
ما عاد انت تنهاني ولا عاد تامرني


تداويت بالعزه من النزف بـ استمرار
وتبقى لي العزه لو الكل خاسرني


علامك تدورني بعد صار لك ما صار
سلامات .. يالمحبوب توك تدورني ؟


تذكر يوم إنـا فاللقـاء نلفت الانظار
اقول لك لا ترحل وروحت حاقرني


فلا شفت لك هبة مواصل وطير طار
ولا شفت لك شي عشانك يصبرني


زوايا خفوقي كلها ضيق وإستنكار
ورغم كل ضربه منـك عيت تصغرني


طبيعي لو انك شفتني ما علي اغبار
...انا ما أقـدر غير شخص يقدرني


لا تسترجع الماضي ورى صفحة التذكار
ما عاد اذكر ايامك لو انك تذكرني


تعدى وروح وخل لك فالعمر مقدار
ترى ما بقى شي على الوصل يجبرني


مادام الحزن ما شاله احساسك البوار
ما اظنك ليا صك الزمن في.. تنطرني !


فمان الولي خل المفارق بدون اعذار
مـرد الليالي عن علومك تخبرني
تحياتي لكم اخوكم طلال العازمي

سلمت يداك ع لاختيار

مشكورين على المرور ويعطيكم الف عافيه على التشجيع

عاشت اسنينك بفراح اخوي عيون الذيب شفتك في صفحتي ترد الروح

تحياتي لكم

طبيعي لو انك شفتني ما علي اغبار
...انا ما أقـدر غير شخص يقدرني


مشآءلله


أبدآع في أبدآع


كلمآت في قمة الروعـــه والتعبر ..


تسلم الايآدي على الطرح

روووووعه