هي سكرة الموت / ولا سكرة غيابك ؟؟
- ////////////////////... هي ليلة غبت ولا سنين / مـــــــا أدري ؟!
- ليل / كتبني ظلام بصفحة كتابك
- ////////////////////... ليل / قراني جروح وطول بسهري !!
- ليل / وطعمه تغير من ورى أسبابك
- ////////////////////... ليل / طويل نخيته ليه مــــاتسري ؟؟
- أنا دخيلك / دخيل الموت بأهدابك
- ////////////////////... أنا دخيل العسل والملح يـــــالمغري
- أنا دخيلك / دخيل الورد يغتابك
- ////////////////////... أرحم حبيب تناساه الدفا بدري !
- أضيق أنا بس / لو طولت بعتابك
- ////////////////////... وشلون لامن زعلت / اموت من قهري ؟؟
- كني أبد / ماخلقت / الا لأحيابك
- ////////////////////... يــــاضيعة سنين قبل أعرفك من عمري
- عمري أبتدا / يوم نبض القلب هلابك
- ////////////////////... عمري أبتدا / من عرفتك ياسنا فجري
- ياملهم الشعر / وأغلى الشعر غنابك
- ////////////////////... قبل أكتبك بالورق / قريتك بصدري !
- جيتك غريب / رمى حزنه على بابك
- ////////////////////... لملم جروح غدت / ياصاحبي كبري
- جيتك ذنوب تيمم / باطهر ترابك
- ////////////////////... يـــاقبلة العشق / أقبل توبتي وعذري
- جيت بدوي / يستر العيبه عن ثيابك
- ////////////////////... جيت بدوي والسما ماتختصر صبري
- جيت بدوي / يعشق الأبيض ولاعابك
- ////////////////////... جيت بدوي والوفا مغروس من صغري
- جيت بدوي / هيل دلاله وحيابك
- ////////////////////... مـــــــامد للغير فنجال الغلا / تدري
- جيت بدوي / ميل عقاله / تعزوابك
- ////////////////////... لجل الكرامه يبيع العمر مايشري
- ايه بدوي / لويضيمك أقرب أصحابك
- ////////////////////... لامن تضايقت / تعرف قيمتي وقدري !
موضوع: انا دخيل الموت بهدابك 
الإثنين يناير 30, 2012 5:24 am
