صاحبي؟ مامن الدنيا ولا الناس خوف
دام جاه الله معزّب وذكره ... خوي
والدليل؟ أنّها لاقربتك .. الظروف
رحت ماكنني .. مشفق ولا مهتوي
يأأتباعد ولا أشوفك .. علاشان أشوف
أنّي الضامي اللي مايبي .. يرتـوي
لانّي أجلس وسط عينك وأخاف الوقوف
وطبعا .. أخاف من بعد الوقوف .. أأهوي
مابي أكون دمعة حزن بين الكفوف
لانّي أكبر من ذراع الزمن .. واللّوي
خلّني جامد فبعدك ومنلاف لوف
لجل لاشفتك أتـناثر وله وأنطوي
أأه من نظرتك لاوزعتني صفوف
جل منهو مسوّي شي مايستوي
كن عينك؟ دجا ليله .. وزحمة سيوف
أركزوهــا هل العليا .. بطن .. أمحوي
تقتبس كل تحفه من وصوفك وصوف
لبّا وجهك ولبّا ... كل مايحتـوي
فيه من نوف أبو الطيّب على الناس .. نوف
وفيه فسقات متحضّر .. وحزن بدوي
ليه تحزن؟ يااعمري والضياع أمخلوف
شوفني مبتسم .. والناااس .. تكوي كوي
لان عندي درايه فالزمن ... ومعروف؟
السّوي ؟ اللّي يسبّه شخص ماهو سوي
تدري ليه أتبسّم لاشتموني ضعوف؟
لان شتم الضعوف ؟ أيدرري ... أنّي ... قوي
موضوع: مآآيصير وين تحديد المصير.. 
الجمعة يونيو 08, 2012 10:14 pm
