صديقه اختي لبنانيه،، سالفتن ماصله

آلسلـآم عليكم ورحمة الله وبركآته
هذآ آلموضوع آلـآول لي فيذآ فآلسمآجه آللي بتقرونهآ
التسليك ثمن التسليك
مآعلينآ نروح لقصتي آللي مدعوستن منذ زمن آلقدآمه
هذآ وحننآ في عآم 19020م- 145020هـ ثقآفة آنآ بعد توآريخ وحركآتسن طيبه
يوم عرفت خيتي آلمآسنجر يآهوآ قديم يآلله يآزمآن آغبر
آختسي تعرفت منه ع وحدتن من آهل آللبنآن
وصآرت صديقتهآ مآنيب مطولتن عليكم
صديقتهآ اللبنانيه قررت تجي عندنآ سيآحة
مدري من تسذب عليها وقآلهآ عندنآ ذآ آلجو وله ذآ آلـآكل
آلطآزه وهآلوجيه آلسمحه
يومن هي قالت لخيتي آلهبله كآنت تعتقد آنهآ تمزح معهآ ومن ذآ آلحتسي
ورحبت بهآ وقآلت لهآ حيآآتس آلمتسآن متسآنتس وحنآ آللي
طآلعين وآنتي آللي دآخله وعطتهآ من ذآ آلقهوة آلطيبه
<< مآدري وش صآر يآلله يقولون صيغة آلمبآلغة
آلمهم مآعلينآ آلبنت جآت ورحنآ نستقبلهآ بآلمطآر
ويوم ننآظر آلـآ يذآك آلطول و آلوجهه آلـآبيض و آلـخصر
وآلبنت كل آللي فيهآ يقول آلزود عندي وآلمجتمع
آلعربي آلفلبيني آلبآكستآني كلهم ينآظرون بآلبنت
ومن ذآ آلسعآبيل آللي سبحت آلمطآر آعتقد مآ عآد به حآجه لتنظيفه
وآنآ آنآظر وين آخوتس خلنآ نشوف آلوجيهه آلطيبه
ولكن لـآ آخ ولـآ خآل ولـآ آب جآيتن آلبنت بروحهآ
لبى ذآ آلـآوآدم آللي تفهم مهب حنآ لـآتبين تروحين
بيت جيرآنكم تآخذين آلبيت كله معآتس رآيحتن لـ وين
يوم رجعنآ للبيت ودخلنآ آلـآ الشعب الكريم من آخوآن و آبوي
وآقفين ينآظرون بهآ وهي مآغير تقول يآآي بيتكون بيجنن (يآلله بيتكم خقه )
وين ذآ آلتربيه يآ اخوآن وين آللي ينآظرون للـآرض رآحت آلـآخلـآق
وتسآل هيدآ آلبآبآ (هذآ آبوتس ) ومآغير هو يهز برآسه تسآنه بكستآني
وآمي يوم آنهآ جآت تسلم عليها وله هي صآفطتن ويآهم
معذروين جد آنآ من شفتهآ قلت لـآزم حنآ آنزورتس المرتن ثآنيه
عآد جهزنآ لهآ غرفة لحآلهآ بس آلدنيآ مآفيهآ آمآن
فقلنآ تندعس بذآ آلغغرفة معي ومع خيتي
وآكيد آلكل بدء يعرض خدمآته يوم جآينآ آلصغير يقول تبون تروحن آلمملكة
ويوم جآي آلكبير يقول تبون تروحن للريآض مول
ويوم جآي آلمتوسط يقول تبون تروحون لحديقة آلحيوآن
<<مو يكفي آنهآ عندنآ قآعده بعد حديقة حيوآن
عآد حنآ قلنآ نستقل آلفرصة
مير ذآ آلبني آدميه مو جآيبتن ملـآبس ويآهآ
هي وشنطتهآ آللي تسآنهآ خدآمة منحآشة
ومآغير يآخذون من بيجآمتي لهآ
ويوم تلبسهآ يوصل لهآ آلى آلركبه وآنآآلبسه يزحف للـآرض
وآصلـآ محدن ينظف آلـآرض آلـآ بيجآمآتي
فقلنآ مآغير نروح لبنت جآرتنآ آلطويله ونآخذ منهآ عبآية لهذي آللبنآنية
ومآلبسنآهآ آلـآ عبآية آلمآمآ مثل مآتناديهآ وحنآ يمه تقل
صفارة انذار هي اصلا تخاف يوم ننادي يمه ويمه
عآد آلعبآية صآيره عليهآ تسآنه ثوب نبيل شعيل على عبد الناصر
درويش
وسيقانها طآلعه بس لـآبسه جينز آسود
مآطلعنآ من ع آلبآب آلـآ آشوف آلحآرة تسآن بهآ آلـآولمبيآد وآنآ آللي
آقول حآرتنآ محدن سآكن بهآ آلبيوت فآضيه مآفي آلـآ حنآ وجيرآنآ
ومآغير يلحقون ورآهآ يآلله وحنآ بسرعه نمشي آلـى مآ وصلنآ لجيرآنه
ونقول للبنت آلطويله يآلله آلعبآية آخلصي نبي نرجع وهي تمسكني بزآوية
وتقول لي آخآف تسوي لي سحر وآنآ آقولهآ وش سحره آنتي
وجهتس آللي تسآنه ركب بعير حتى آلبقر بهم جمآل آكثر منتس
عطيني العباية آخلصي
آلمهم وحنآ رآجعين آلـآ عند بيتنآ سيآرآت تقل به دآخل آلبيت مبآرآة بين
برشآ ومدريد وذآ آلجمهور مآدخلنآ آلـآ آهلنآ آللي مآعرفنآ عنهم خبر من
10 سنين جآيين وش آللي جآبكم طيب عشآن ذآ آلوجهه آلسمحح
عشآن ذآ آللبنآنية وسبحآن آلله عيآل آلعم وآلخآل وآلخوآل وآلأعمآم كلهم
آقلبوآ من آهل فرنسآ قآل يبون يسلمون ويقبلون
وين حنآ وين آهجدم ويقولون لهآ هلـآ بتس وهي تقول لهم توبشوني
شو مهضومين (لبى قلبكم يآلحلوين )
ومير وحنآ ننطر آنهم يطسون عشآن نروح نخليهآ تشوف ذآ آلـآمآكن آلطيبه
لكن يبون يجلسون آلى مآترجع فآتفقنآ نروح ونتسيح بذآ آلبلد
مآعلينآ رحنآ كل مكآن بس هي من تتكلم آلـآ وآلبآكستآنين قآلبين لبنآنيين
ومآغير شوي وينسدح ع آرض آلمحل وينآظر بهآ
وآهلنآ كلهم آقلبوآ بهآ كرفيتآت وحركآتسن طيبه وين آلثوب والشماغ
مر اسبوع وحنآ نشوف آلدنيآ كل آبوهآ ذوق وآتكيت وآكل بسكين وآلملعقة
وهآلورد آللي عند آلبآب و هآلشوكلـآته آللي تتحذف علينآ
مآغير نقعد يوم آلجمعة ومآنلقى آللبنآنية بآلغرفة وين رآحت
آلحآرة كلهآ قآمت تبحث عنهآ مآغير دخلنآ غرفة آمي آلـآ آلخزنة مسروقة
وين آلذهب رآآح وين آلفلوس آللي يبون يشترون بهآ سيآرة جديدة
وجآلسين نقول وين رآحت وآدق آختي ع رقمهآ مآترد
وين رآحت آلبنت وين آلمصآري يآزلمه
وين آلدهبآت بعد تسمن يوم بعد مآ بلغنآ آلشرطة آلـآ مرسله
لـآختي سوري توبشيني نسيت اديك بيجآمة خيتك
(اسفة لبى قلبتس نسيت اعطيتس بيجامة اختتس)
<<وش ذآ آلـآمآنه يآشيخه
وآختي من زود آلذكآء تسآلهآ شفتي ذهب معتس
وهي تقول لـآ مآعندي زهبآت
<<آلغلط علينآ نستقبل آشكآلن مثلتس
ومن زود آلثقة بينهآ وبين عآيلتي آللي مآخلوآ شى مآ آرسلوآ لهآ
كل واحد يرسل من جيبه لهآ
ويقولون آلذهب وآلفلوس آنسرقت بس هي مسكينة
بعد شهر ترسل صورة لـآختي بآلذهب وآلفلوس والاشياء اللي ارسلوهآ
وكآتبه عليهآ ( تآكلوآ غيرهآ ) < تآكلتس بقره يآ
مآ غير آقول آلغلط ع ذآ آلعآيلة آللي مآفيهآ آحدن يفكر

مآيستفآدهذآ آلجزء آللي آنآ فآشلتن به)
1- مهب آذآ قلنآ لبنآنية آلكل خقق معهآ
2- سآعآت آلـآشيآء آلمصيبيه وآلموآقف آلشينه
تجمع آلعآيله فعآيلتنآ من بعد هآلحآدثة مآ آنقطعنآ عن بعض
وترى آلقطآعة مهب زينه
3-آذآ آنصبوآ عليك مره لـآ تخليهم ينصبون
عليك مرتن ثآنية لـآنك بتكون آلمهبول
4- وحآذر من عيآل آلسوء

وخبزن خبزتوآ آنتم تآكلونه

ولكم هآلحين آلمآيك لـآتنسونآ بآلردود آلسنعه و التقييم و آلـلآيك
واي اخطآء آملـآئية شى آسمه آلتسليك ترى مفيدن للصحة
والقصة من طبناتي عقلي بعد نآقصتن تكون حقيقة وآلله
لـآسآفر للهند من الفضيحة وآشتغل شغآله
واهم شى آلعنوآن آللي للحين مآ آعرف وش اكتب به

منقول