عنفـوان البلبلـه

عنفـوان البلبلـه

في عنفـوان البلبلـه iiوالأقاويـل
وزخمٍ من الإعلام في iiزعيتمانـه

هذي قناه الشجب والحط iiوالشيـل
وهذي قنـاة الملعنـه iiوالخيانـه

وهذي قناة الرقص ( ياعين ياليل )
وعبـدالله ابالخيـر iiوالبردقـانـه

والقدس تقصفها مدافـع iiإسرائيـل
والغرب يعزف عزف كيد iiولعانـه

والشي والله في الليـال المقابيـل
أصبر علي شوي وأقـول iiعانـه

عان الليال الحيل لقحن وهن iiحيل
ولقاحهن غزو الأصـل iiوالديانـه

غزوٍ يسمـى ديمقراطـي وتبديـل
وطمس العوايد والشيـم والأمانـه

وش قلت ياسداح في كذبة iiإبريـل
هي في صميم الـذات والاّ iiوزانـه

والهيل ياسـداح عطـر iiالفناجيـل
والجِد ملـح العجرفـه والميانـه

والخيل وين سروجها ياهل iiالخيـل
راحت فرس عنتر تسابق iiحصانـه

والمعركه بين النساء iiوالرياجيـل
مدري يفـوز فـلان والاّ iiفلانـه

وأن قام حظ أم الرموش المظاليـل
وقامـت تثنّـى كنّهـا الخيزرانـه

ماعاد ياسـداح حيلـه ولا iiحيـل
أطلق شنـب قلّـه يجـوّد مكانـه

والقبّـه اللـي للنشامـا iiمداهيـل
ميدان سيف الله .. وعنتر iiزمانـه

الله ثعا فيهم .. على مثـل ماقيـل
بعنصـر نسائـيٍ قـويٍ iiكيـانـه

خطوات عوباً صوتها يصهل iiصهيل
تشرشح النايب .. وتكرب بطانه ii!!