شف للغـلا شي قبل تطــول غربتنا
أخاف كثر الغياب وتصعـب الجيه
بالله بالبعد قلي وش حاجـتنا
ما دام أخذنا الزعل حاجه طـفوليه
نبغي نموت في بعضنا ما دام ما متنا
يا زين خل الأمور تصير عفويه
لا تفرح الحاسدين بطـول صدتنا
لا تنزع القـلب وتقطع مجاريه
الأرض سكه تعدتهـا مساحتنا
جيش من الحـب خياله ورجليه
أعش وشب القلب وأمطر من صـراحتنا
وحبال الأشواق معقوده ومطويه
لو إفترقنا يا عمري وش حجتنا
وإحنا نشوف الجفاء بانت مواريه
الله يوم النجوم تنام ما متنا
الطرف شاقي وطرف زايد غيه
على بعضنا اذا أقفينا تلفتنا
وكلن يغير من اللهفه طواريه
وأن كان نيتك بتقطع في عـلاقتنا
ما عاد عندك ياشـيخ الغيد حنيه
مرخوص بس خلنا نحفـظ كرامتنا ..!
قدامهم نترك الأوضاع عاديه
لا نشوف بعيونهم منا إهانتنا
ونزود الكيه اللي بالحشا كيه ؟!
لكن فديتك لا نبطي ما تلفتنا
أخاف من دمعتي لاتهل عفويه..
موضوع: شف الغلآآآ شي قبل تطول.. 
الخميس أكتوبر 18, 2012 11:03 pm
