عطنـي زقـارة كنـت وألا ديفيـدوف
أبشـرب الـدخـان وأنــا مـطـوع
وأحذف على كاسيت جـورج وأسـوف
وألا أن حصل عطنـي شريـط منـوع
به اذبحيني ياغرامـي وأنـا أشـوف
وألا أمهليـنـي يـاقـراح المـلـوع
أبهدم البيت المشيـد علـى الطـوف.
وابـردم العـد الـجدوب المـجـوع
دام الزمن هـذا زمانـك يابـو نـوف
موتـي ولا عيشـة حيـاة المـجـوع
لأصرت ما أرحب لي جونـي ضيـوف
وش عاد لأقالوا عـن الـدرب كـوع
لو أنهـا بخيـول وقلـوب وسيـوف
كـم واحـد مـن طاشـر الـدم زوع
ربعي بني وايـل مـن الحـد للجـوف
مافيهـم اللـي لأظلـم الليـل خــوع
راعي مطاياهم مـع النـاس معـروف
لاهـاش عـن زمـل المعازيـب روع
من صاح نايف ضلع الأرهاب منسوف
اصغـر وراعيـن الجبـارة تـطـوع
أقولها افف,, وأنا ادري الوقت مكشوف
أمــا تخـروع هـو وألا مـخــروع
ياسيـدي يابـو قلايـد ونـف نـوف
يا لذتك ثلج الـزلال الممـوع
عقب الظماء في جرهد الضيم والخوف
أفقـدك رايـع وارجـع ألقـاك أروع
ذبحتني مشغـول أو عنـدي أظـروف
أبك أنـت ماترحـم حيـاه المصـروع
لأصرت مارحب لي جونـي أضيـوف
وأجوع منـك ومـن زمانـي مجـوع
عطني زقارة مـوت ماهـي ديفيـدوف
ابنتحـر ذا الحيـن وأنــا مـطـوع
من روآآآئع يآآسر التويجري...!
موضوع: عطني زقآآرة كنت ولآآ دفيدوف 
الأحد نوفمبر 04, 2012 3:29 am
