عزآآهـ يآآوقت(ن)

عــزاه يــا وقــت(ن) مـضـى عـلـه يـعـود ... يومه (ربيع ) ووقت (عطله) و (كشتات)

يــوم اللـقـا مــا فـيـه عـيـب(ن) ومنـقـود ... فـيـه الـهـوا طـاهـر ونـابــع مـــن الـــذات

نـقـعـد ودوتـنــا بــهــا الــضــو مــوقــود ... وريـح الحطـب ينثـر علـى الـجـو نفـحـات

وخـلــي يحـاكـيـنـي وأحـاكـيــه بــحــدود ... نحـكـي كــلام الـعـيـن للـعـيـن ب سـكــات

نـشـرح هـمـوم البـعـد.. ونـجــدد عـهــود ... ونرسـل شكـاوي الحـب بقصـيـد وأبـيـات

ويقـول: ويـن فـلان؟! وآقــول: مـوجـود! ... وكنه يقول : الحب ؟!.. وأقول : ما مات !

وهاذي عجـوز(ن) فاهمـه حـروف وردود... تكشـف (كـلام الحـب) لـو صــار نـظـرات

ويقطـف مـن العيـدان عـود(ن) ورا عــود ... ويكتـب علـى القاعـه ( أحبـك يـا ونـات )

وأخــاف يفـهـم مــا كـتـب جـــدي الـعــود ... وأخـــاف حـســاد الـهــوا حـقــد ووشـــاة

متـعـود يـطــرش مـــع حـمــود وسـعــود... رسالـه .. وكـنـدر .. وشـانـي .. وكتـكـات

واليـا أقبلـت ديـمـة بـهـا بــروق ورعــود ... رديـت للـديـرة مـعـي ( جـيـش عـبـرات )

وأبكي .. زمان(ن) فات .. يا علـه يعـود؟! ... يومه (ربيع ) ووقت (عطله) و (كشتات)