يآآليت ربي ماخلق حب وفرآآق..

دام الكـلام اليـوم مـا عـاد ينـطـاق **** بين الولايـف نبـرة الشـوق غرقـا

قال السديري عقب ماخاطره ظـاق **** بيتـن يخلـي ظامـي القـلـب يشـقـا

ياليت ربـي مـا خلـق حـب وفـراق **** والا خلـق حبـن علـى غيـر فـرقـا

بيتن يخلي ضايق الصـدر يشتـاق **** لمعـانـق ايــام الصـبـا لـــو تـبـقّـا

ياليـت حظـي مــا تعـثـر ولا بــاق **** ولا شفـت وقتـن فيـه قمـت اتـوقّـا

من عانقوا دربـي قليليـن الاوفـاق **** وانــا عـلـى ماقـيـل حـالـي تشـقّـا

ما بيننـا يابنـت حشمـه وميثـاق؟؟ **** وما بيننا نفسن على الود شفقا ؟؟

وشلون صدرك للخيانات ما ضـاق **** وانا الوليف اللـي علـى الـود يبقـا

عشر ليالـي ساهرينـه علـى سـاق **** تهـون عنـدك؟ والمخـاوي مشـقّـا

ياحيـف ياللـي كـل مـا قلـت خفّـاق **** قلبـه علـى شوفـي واياديـه عـرقـا

ياهيـه يالمشـتـاق لاعــاد تشـتـاق **** ويامـعـدي المـرقـاب لاعــاد تـرقـا

كلام شوقن حافظه وسط الاعمـاق **** خل الرجم وانزل علـى راس برقـا